ବିଲରେ ମୋଟର ଯୋଗେ ନିଷ୍କାସନ କରୁଥିଲେ ପାଣି, ବିଦ୍ୟୁତ ଆଘାତରେ ଚାଲିଗଲା ଜୀବନ

ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଅନ୍ତର୍ଗତ ବିରସ ଗ୍ରାମରେ ସୁଶାନ୍ତ ଯେନା ନାମକ ଯୁବକଙ୍କ ମୃତ୍ୟୁ ଘଟିଛି । ବିଲରେ ମୋଟର ଯୋଗେ ପାଣି ନିଷ୍କାସନ କରୁଥିବା ବେଳେ ବିଦ୍ୟୁତ ଆଘାତ ଲାଗିଥିଲା । ଅଧିକ ପଢନ୍ତୁ

ଭଦ୍ରକ: ଜିଲ୍ଲାର ବାସୁଦେବପୁର ବ୍ଲକ ଅନ୍ତର୍ଗତ ବିରସ ଗ୍ରାମରେ ଅଘଟଣ । କ୍ଷେତରୁ ମୋଟର ସାହାଯ୍ୟରେ ବର୍ଷା ଜଳ ନିଷ୍କାସନ କରୁଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ଅନାଦି ଯେନାଙ୍କ ପୁଅ ସୁଶାନ୍ତ କୁମାର ଯେନା(୨୬) ।

ପରିବାର ଲୋକ ଯାଇ ଦେଖିବା ପରେ ତୁରନ୍ତ ତାଙ୍କୁ ବାସୁଦେବପୁର ଡାକ୍ତରଖାନା ନେଇଥିଲେ । ହେଲେ ସେତେବେଳକୁ ତାଙ୍କର ମୃତ୍ୟୁ ହୋଇଯାଇଥିଲା । ମୃତଦେହ ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ପଠାଯାଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ