ଭଦ୍ରକ: ଜିଲ୍ଲାର ସନ୍ଥିଆ ନିକଟସ୍ଥ ସାଳନ୍ଦୀ ନଦୀରୁ ଜଣେ ଯୁବକଙ୍କ ମୃତଦେହ ଉଦ୍ଧାର । ମୃତ ଯୁବକଙ୍କ ପରିଚୟ ରାଜେଶ ରାଉତ ଥିବା ବେଳେ ତାଙ୍କ ଘର ଚନ୍ଦନ ବଜାର ଅଞ୍ଚଳରେ ଥିବା ଜଣାପଡିଛି । ସୂଚନା ଅନୁସାରେ ବୁଧବାର ସନ୍ଧ୍ୟାରେ ରାଜେଶ ବୁଲିବାକୁ ଯିବା କଥା କହି ଆଉ ଘରକୁ ଫେରି ନଥିଲେ। ତେବେ ଗୁରୁବାର ସାଳନ୍ଦୀ ନଦୀରେ ଉକ୍ତ ଯୁବକଙ୍କ ମୃତଦେହ ଭାସୁଥିବାର ଦେଖିବାକୁ ମିଳିଥିଲା ।
ଏହା ରାଜେଶଙ୍କ ମୃତଦେହ ବୋଲି ଗାଁ ଲୋକେ ଜାଣିପାରି ରାଜେଶଙ୍କ ପରିବାର ଲୋକଙ୍କ ଖବର ଦେବା ସହ ପୋଲିସକୁ ମଧ୍ୟ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଭଦ୍ରକ ଟାଉନ ଥାନା ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ପଠାଇଛି । ସେପଟେ ଉକ୍ତ ମାମଲାକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ବ୍ୟବଚ୍ଛେଦ ରିପୋର୍ଟ ଆସିବା ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ ସୂଚନା ଦେଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ