ଭଦ୍ରକ: ମେଡିକାଲରୁ ଚୋରି କରୁଥିଲେ ଯୁବକ, ଧରାପଡିବା ପରେ ପିଠିରେ ବର୍ଷିଗଲା ମାଡ । ରୋଗୀଙ୍କ ସମ୍ପର୍କୀୟଙ୍କ ଠାରୁ ସୁନା ଚେନ ଛଡାଉଥିବା ବେଳେ ଯୁବକଙ୍କୁ ନିସ୍ତୁତ ମାଡ ମାରିଲେ ସ୍ଥାନୀୟ ଲୋକେ । ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ । ଚୋରି କରିଥିବା ଯୁବକଙ୍କ ପରିଚୟ ଏପର୍ଯ୍ୟନ୍ତ ମିଳିପାରି ନାହିଁ ।
ମିଳିଥିବା ସୂଚନା ଅନୁଯାୟୀ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରୁ କେତେକ ନିଶାସକ୍ତ ଓ ଅସାମାଜିକ ଯୁବକ ଚୋରି କରୁଥିବା ଘଟଣା ସାମ୍ନାକୁ ଆସିଥିଲା । ତେବେ ଆଜି(ଶୁକ୍ରବାର) ଜଣେ ଯୁବକ କୌଣସି ଏକ ରୋଗୀଙ୍କ ସମ୍ପର୍କୀୟଙ୍କ ସୁନା ଚେନ ଛଡାଉଥିଲେ । ଏହି ସମୟରେ108 ଆମ୍ବୁଲାନ୍ସର କର୍ମଚାରୀ ମାନେ ଯୁବକକୁ ଧରିଥିଲେ। ଏହାପରେ ସ୍ଥାନୀୟ ଲୋକେ ଏହା ଜାଣିବା ପରେ ଉତ୍ୟକ୍ତ ହୋଇ ଯୁବକଙ୍କୁ ନିର୍ଦ୍ଧୁମ ମାଡ ମାରିଥିଲେ । ଯିଏ ଜେମିତି ପାରିଲା ସେମିତି ମାଡ ମାରିଥିଲା । ଏନେଇ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ପୋଲିସ । ଏହାପରେ ଯୁବକଙ୍କୁ ଉଦ୍ଧାର କରି ଟାଉନ ପୋଲିସର ଜିମା ଦେଇଛନ୍ତି ।
ଚୋରକୁ ଉତ୍ତମ ମଧ୍ୟମ ଦେଲେ ସ୍ଥାନୀୟ ଲୋକେ