ଭଦ୍ରକ:ଜିଲ୍ଲାରେ ଦୁର୍ଗା ପୂଜା ଭସାଣି ଉତ୍ସବ ସମୟରେ ଅଘଟଣ । ଜାନୁଗଞ୍ଜ ସାହିର ଦୁର୍ଗା ମୂର୍ତ୍ତି ବିସର୍ଜନ ସମୟରେ ସାଳନ୍ଦୀ ନଦୀର ବାଉଦପୁର ଘାଟରେ 2 ଜଣ ଯୁବକ ଭାସିଯାଇଥିଲେ । ତେବେ ନଦୀରେ ଭାସିଯାଇ ଜଣକୁ ଉଦ୍ଧାର କରାଯାଇ ଡାକ୍ତରଖାନା ଭର୍ତ୍ତି କରାଯାଇଥିଲା । ଗୋଟିଏ ଦିନ ପରେ ଆଉ ଜଣଙ୍କୁ ଉଦ୍ଧାର କରିଛି ଭଦ୍ରକ ଅଗ୍ନିଶମ ବାହିନୀ ।
ଦୁର୍ଗାପୂଜା ଭସାଣିରେ ନଦୀରେ ଭାସିଯାଇ ଯୁବକ ମୃତ
ପ୍ରକାଶ ଥାଉ କି, ଦୁର୍ଗା ମୂର୍ତ୍ତି ବିସର୍ଜନ ସମୟରେ ନଦୀର ପ୍ରଖର ସ୍ରୋତରେ 2 ଯୁବକ ଭାସି ଯାଇଥିଲେ । ଜଣଙ୍କୁ ସଙ୍ଗେ ସଙ୍ଗେ ଉଦ୍ଧାର କରାଯାଇଥିବା ବେଳେ ଅନ୍ୟ ଜଣଙ୍କର ଖୋଜ ଖବର ମିଳି ନଥିଲା । ଘଟଣା ସ୍ଥଳରେ ଭଦ୍ରକ ଅଗ୍ନିଶମ ବାହିନୀ ଅନେକ ଖୋଜା ଖୋଜି ଜାରି ରଖିଥିବା ବେଳେ ଦିନକ ପରେ ନିଖୋଜ ରମାନନ୍ଦ ସାହୁଙ୍କ ମୃତଦେହ ଉଦ୍ଧାର କରାଯାଇଛି । ତେବେ ଦୁର୍ଗା ମୂର୍ତ୍ତି ଭସାଣି କାର୍ଯ୍ୟକ୍ରମରେ ଏପରି ଅଘଟଣ ଯୋଗୁଁ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।