ମାଛ ଧରିବାକୁ ଯାଇ ଭାସିଗଲେ ଯୁବକ

ମାଛ ଧରିବାକୁ ଯାଇ ଭାସିଗଲେ ଯୁବକ। ସ୍ଥାନୀୟ ଅଞ୍ଚଳରେ ଯୁବକଙ୍କ ମୃତ୍ୟୁକୁ ନେଇ ଶୋକାକୂଳ ପରିବେଶ ସୃଷ୍ଟି । ଅଧିକ ପଢନ୍ତୁ....

ଭଦ୍ରକ: ମାଛ ଧରିବାକୁ ଯାଇ ଭାସିଗଲେ ଯୁବକ। ଏଭଳି ଘଟଣା ଦେଖିବାକୁ ମିଳିଛି ଭଦ୍ରକରେ । ଏନେଇ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି । ମୃତ ଯୁବକ ଜଣକ ସଇଦାବାଦ ଗାଁର ଜଲାଉଦିନ ଖାଁ ବୋଲି ଜଣାପଡିଛି ।

ସୂଚନା ଅନୁସାରେ, ଜଲାଉଦିନ ସାଳନ୍ଦୀ ନଦୀର ଏସକେପରେ ମାଛ ଜାଲ ପକାଉ ଥିବା ବେଳେ କୌଣସି କାରଣରୁ ସେ ନଦୀ ଭିତରକୁ ଭାସି ଯାଇଥିଲେ। ପରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରିଥିଲେ । ହେଲେ ସେତେବେଳକୁ ତାଙ୍କର ପ୍ରାଣବାୟୁ ଉଡି ଯାଇଥିଲା । ଯୁବକଙ୍କ ମୃତ୍ୟୁକୁ ନେଇ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ