ଭଦ୍ରକ: ଯାତ୍ରାରେ ପୁଣି ଅଶ୍ଲୀଳ ନୃତ୍ୟ ପ୍ରଦର୍ଶନ । ଭଦ୍ରକରେ ପ୍ରସିଦ୍ଧ କାଳୀ ପୂଜା ଅବସରେ ଆୟୋଜିତ ଯାତ୍ରା ମଞ୍ଚରେ ଅଶ୍ଲୀଳ ନୃତ୍ୟ ପ୍ରଦର୍ଶନ ହେଉଥିବା ଦେଖିବାକୁ ମିଳିଛି । ଏହାକୁ ବିରୋଧ କରି ଜଣେ ମହିଳା ଦର୍ଶକ ନୃତ୍ୟାଙ୍ଗନାଙ୍କ ଉପରକୁ ଜୋତା ଫିଙ୍ଗିଛନ୍ତି । ଏହାପରେ ନିଜେ ମଞ୍ଚ ଉପରକୁ ଚଢ଼ି ତୀବ୍ର ପ୍ରତିବାଦ କରିଥିଲେ । ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।
ଯାତ୍ରାରେ ଅଶ୍ଲୀଳ ନୃତ୍ୟକୁ ବିରୋଧ
ସୂଚନା ଅନୁଯାୟୀ, କାଳୀପୂଜା ଉପଲକ୍ଷେ ଭଦ୍ରକ ଜିଲ୍ଲାରେ ଯାତ୍ରା ପରିବେଷଣ ହେଉଛି । ଚରମ୍ପା ଅଞ୍ଚଳରେ ଯାତ୍ରା ରାଜ ନନ୍ଦିନୀ ଯାତ୍ରା ପରିବେଷଣ କରୁଛି । ରାଜ ନନ୍ଦିନୀ ଯାତ୍ରା ପ୍ରଦର୍ଶନ ବେଳେ ଦେଖିବାକୁ ମିଳିଥିଲା ଏକ ଅଭାବନୀୟ ଘଟଣା । ଯାତ୍ରା ପାର୍ଟିର ଜଣେ କଳାକାର ଆଧୁନିକ ଗୀତରେ ନୃତ୍ୟ ପରିବେଷଣ କରିଥିଲେ । ତାଙ୍କ ନୃତ୍ୟରେ ଅଶ୍ଲୀଳତା ଅନୁଭବ କରି ଜଣେ ମହିଳା ଦର୍ଶକ ନୃତ୍ୟାଙ୍ଗନାଙ୍କ ଉପରକୁ ଚପଲ ଫିଙ୍ଗିଥିଲେ । ଖାଲି ଏତିକି ନୁହେଁ ମଞ୍ଚ ଉପରକୁ ଚଢ଼ିଯାଇ ପ୍ରତିବାଦ କରିଥିଲେ ।