ନଳକୂପରୁ ପାଣି ଆଣୁଥିବା ବେଳେ ବଜ୍ରାଘାତରେ ମହିଳା ମୃତ

କାଳବୈଶାଖୀ ସମୟରେ ନଳକୂପରୁ ପାଣି ଆଣିବା ହେଲା କାଳ । ଗେଲଟୁଆ ପଞ୍ଚାୟତ ଭୂଇଁଚିଆ ସାହିର ବୀଣାପାଣି ଜେନା ପାଣି ଆଣୁଥିବାବେଳେ ବଜ୍ରାଘାତର ଶୀକାର ହୋଇଛନ୍ତି ।

ଭଦ୍ରକ: କାଳ ହେଲା କାଳବୈଶାଖୀ । ନଳକୂପରୁ ପାଣି ଆଣୁଥିବା ବେଳେ ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ । ମୃତ ମହିଳା ଜଣକ ହେଲେ ଭଦ୍ରକ ଜିଲ୍ଲା ଗେଲଟୁଆ ପଞ୍ଚାୟତ ଭୂଇଁଚିଆ ସାହିର ବୀଣାପାଣି ଜେନା ।

ବଜ୍ରାଘାତରେ ବୀଣାପାଣି ଗୁରୁତର ଭାବେ ଆହତ ହେବା ପରେ ତାଙ୍କୁ ଗ୍ରାମବାସୀ ମାନେ ଭଦ୍ରକ ମେଡିକାଲକୁ ସ୍ଥାନାନ୍ତରିତ କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ବଜ୍ରାଘାତରେ ମହିଳାଙ୍କ ମୃତ୍ୟୁ ପରେ ଗ୍ରାମରେ ଏକ ପ୍ରକାର ଶୋକାକୁଳ ପରିବେଶ ସୃଷ୍ଟି ହୋଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ