ଭଦ୍ରକ:ପୋଲିଓ ଟିକା ନେଇ ମୃତ୍ୟୁବରଣ କରିଥିବା ଶିଶୁର ପରିବାରକୁ କ୍ଷତିପୂରଣ ସହିତ ସ୍ଵାସ୍ଥ୍ୟକର୍ମୀଙ୍କ ବିରୋଧରେ ବିହିତ ପଦକ୍ଷେପ ନେବା ପାଇଁ ଦାବି ହୋଇଛି । ଘଟଣାରେ ଭଣ୍ଡାରିପୋଖରୀ ଥାନା ଅଧିନସ୍ଥ ନାଗୁଆ ଗ୍ରାମବାସୀ ଭଦ୍ରକ ଏସପି ଅଫିସ ସମ୍ମୁଖରେ ଗଣଧାରଣା ଦେଇଛନ୍ତି ।
ଶିଶୁପୁତ୍ର ମୃତ୍ୟୁ ଘଟଣା: ନ୍ୟାୟ ଦାବିରେ ଗ୍ରାମବାସୀଙ୍କ ଭଦ୍ରକ SP ଅଫିସ ଘେରାଉ
ଏହି ଗ୍ରାମର ବିକାଶ ଜେନାଙ୍କ ଶିଶୁପୁତ୍ରର ଦେହ ଖରାପ ଥିବା ଜାଣି ମଧ୍ୟ ପୋଲିଓ ଟୀକା ନାଗୁଆ ସ୍କୁଲରେ ସ୍ବାସ୍ଥ୍ୟ କର୍ମୀମାନେ ଚଳିତ ମାସ 15 ତାରିଖ ଦିନ ଦେଇଥିଲେ । ସେତେବେଳେ ତାଙ୍କ ପିତାମାତା ଟିକା ଦେବା ପାଇଁ ବିରୋଧ କରିଥିଲେ ମଧ୍ୟ ସ୍ବାସ୍ଥ୍ୟକର୍ମୀ ଜଣଙ୍କ ଶିଶୁଟିକୁ ଟିକା ପ୍ରଦାନ କରିଥିଲେ । ତେବେ ଟିକା ନେବା ପରେ ହଠାତ୍ ଶିଶୁଟି ଅସୁସ୍ଥ ହୋଇ ପଡିବା ସହିତ ମୃତ୍ୟୁବରଣ କରିଥିଲା ।