ରାସ୍ତାକଡରୁ ଅଜଣା ଯୁବତୀର ମୃତଦେହ ଉଦ୍ଧାର

ପାଇକସାହି ନିକଟସ୍ଥ ନୟନଜୋରିରେ ଜଣେ ଅଜଣା ଯୁବତୀଙ୍କ ମୃତଦେହ ପଡିଥିବା ଦେଖିବାକୁ ମିଳିଛି । ମୃତ ଯୁବତୀଙ୍କ ପରିଚୟ ମିଳିପାରିନାହିଁ ।

ଭଦ୍ରକ: ବାସୁଦେବପୁର ବ୍ଲକ ପାଇକସାହି ନିକଟସ୍ଥ ନୟନଜୋରିରେ ଜଣେ ଅଜଣା ଯୁବତୀଙ୍କ ମୃତଦେହ ପଡିଥିବା ଦେଖିବାକୁ ମିଳିଛି । ନାୟକାଣୀଡିହି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ତଦନ୍ତ ଜାରି ରଖିଛି । ମୃତ ଯୁବତୀଙ୍କ ପରିଚୟ ମିଳିପାରିନାହିଁ ।

ସୂଚନା ଅନୁଯାୟୀ, ଆଜି କିଛି ଲୋକ ଚାଷ କାର୍ଯ୍ୟ କରିବାକୁ ବିଲକୁ ଯିବା ସମୟରେ ମୃତଦେହ ପଡିଥିବା ଦେଖିଥିଲେ । ଏହାପରେ ସ୍ଥାନୀୟ ଲୋକେ ପୋଲିସକୁ ଏସଂପର୍କରେ ଜଣାଇଥିଲେ । ତେବେ କେହି ଯୁବତୀଙ୍କୁ ହତ୍ୟା କରି ଏହି ସ୍ଥାନରେ ଫିଙ୍ଗି ଦେଇଥିବା ଅନୁମାନ କରାଯାଉଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ