ଭଦ୍ରକରେ ଚାଞ୍ଚଲ୍ୟ, ମାଛ ଜାଲରେ ମୃତଦେହ

ଭଦ୍ରକ ବିରସ ଠାରେ ପୋଖରୀରୁ ଗଳିତ ମୃତଦେହ ଉଦ୍ଧାର । ମୃତକଙ୍କ ପରିଚୟ ମିଳିନାହିଁ । ଅଧିକ ପଢନ୍ତୁ...

ଭଦ୍ରକ:ଭଦ୍ରକ ଜିଲ୍ଲା ମେରାଇନ ଥାନା ଅନ୍ତର୍ଗତ ବିରସ ଠାରେ ଏକ ପୋଖରୀରୁ ଗଳିତ ମୃତଦେହ ଉଦ୍ଧାର କରାଯାଇଛି । ହେଲେ ମୃତକଙ୍କ ପରିଚୟ ମିଳିପାରି ନାହିଁ । ମୃତକଙ୍କ ବୟସ ପାଖାପାଖି 60 ବର୍ଷ ହେବ ବୋଲି ଅନୁମାନ କରାଯାଉଛି । ସୂଚନା ଅନୁସାରେ ,କାହ୍ନୁ ଚରଣଙ୍କ ପରିବାର ଲୋକେ ପୋଖରୀରେ ମାଛ ଧରିବା ପାଇଁ ଜାଲ ପକାଇଥିଲେ ।

ହେଲେ, ଜାଲରେ ମୃତଦେହଟି ଲାଗିଥିବା ଦେଖିବାକୁ ପାଇଥିଲେ । ପରେ ପୋଲିସକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ ଆରମ୍ଭ କରିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ