ଭଦ୍ରକ: ଦୁଇଟି ପୃଥକ ଦୁର୍ଘଟଣାରେ ଦୁଇ ଜଣ ମୃତ । ମୃତ ବ୍ୟକ୍ତି ହେଲେ ଭଦ୍ରକ ଗ୍ରାମାଞ୍ଚଳ ଥାନା କେଦାରପୁର ପଞ୍ଚାୟତର ଉତ୍ତମ ପାଲ ଓ ବନ୍ତ ଥାନା ତରାଗ ବେଲମଳା ଗ୍ରାମର ଅଜୟ ବାରିକ । ଅଜୟ ଚୂଡ଼ାକୁଟି ମେଲଣ ଦେଖି ଫେରୁଥିବା ସମୟରେ ଧାମନଗର ଅନ୍ତର୍ଗତ ଦଇପୁର ଛକ ନିକଟରେ ଏକ ଅଜଣା ଗାଡି ଧକ୍କା ଦେଇଥିଲା ।
ଗୁରୁତର ଅବସ୍ଥାରେ ତାଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ହେଲେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହିପରି କେଦାରପୁର ବଜାରକୁ ବାଇକ ଯୋଗେ ଉତ୍ତମ ପାଲ ପରିବା କିଣିବା ପାଇଁ ଯାଉଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ଏକ ବାଇକ ସହ ତାଙ୍କର ଦୁର୍ଘଟଣା ହୋଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
