ଭଦ୍ରକ: ଆଜି ହେଉଛି ବିଶ୍ଵ ଜଳାନ୍ତକ ଦିବସ। ସାଧାରଣ କୁକୁର କାମୁଡିଲେ ଏହି ରୋଗ ହୋଇଥାଏ । ଆଉ ସଠିକ ସମୟରେ ଜଳାନ୍ତକ ରୋଗ ପ୍ରତିରୋଧକ ଇଞ୍ଜେକ୍ସନ ନ ନେଲେ ମୃତ୍ୟୁ ଥୟ । ତେଣୁ ଏନେଇ ସଚେତନତା ସୃଷ୍ଟି କରିବା ପାଇଁ ଆଜିର ଦିନକୁ ବିଶ୍ଵ ସ୍ବାସ୍ଥ୍ୟ ସଂଗଠନ ପକ୍ଷରୁ ସମଗ୍ର ବିଶ୍ବରେ ଜଳାନ୍ତକ ଦିବସ ଭାବେ ପାଳନ କରାଯାଉଛି।
ବିଶ୍ବ ଜଳାନ୍ତକ ଦିବସ
1885 ଜୁଲାଇ 6 ତାରିଖ ଦିନ ଲୁଇସ ପାଶ୍ଚର ପ୍ରଥମେ ଜଳାନ୍ତକ ରୋଗ ପ୍ରତିରୋଧକ ଇଞ୍ଜେକ୍ସନକୁ ବିକଶିତ କରିଥିଲେ। 1895 ସେପ୍ଟେମ୍ବର 28 ତାରିଖ ଦିନ ଲୁଇସଙ୍କ ଦେହାନ୍ତ ହୋଇଥିଲା। ତାଙ୍କୁ ଚିରସ୍ମରଣୀୟ କରିବା ପାଇଁ 2007 ସେପ୍ଟେମ୍ବର 28 ତାରିଖରୁ ଅଦ୍ୟାବଧି ପ୍ରତିବର୍ଷ ସେପ୍ଟେମ୍ବର 28 ତାରିଖ ଦିନକୁ ବିଶ୍ଵ ସ୍ବାସ୍ଥ୍ୟ ସଂଗଠନ ପକ୍ଷରୁ ସମଗ୍ର ବିଶ୍ବରେ ଜଳାନ୍ତକ ଦିବସ ଭାବେ ପାଳନ କରାଯାଉଛି। ଏହାର ମୁଖ୍ୟ ଉଦ୍ଦେଶ୍ୟ ହେଉଛି ଜଳାନ୍ତକ ରୋଗ ପ୍ରତିରୋଧକ କରିବା ପାଇଁ ସମଗ୍ର ବିଶ୍ଵରେ ସଚେତନତା ସୃଷ୍ଟି କରିବା।