ଭଦ୍ରକ: ଜିଲ୍ଲାରେ ପ୍ରବାହିତ ବୈତରଣୀ ଓ ସାଳନ୍ଦିର ବନ୍ୟା ପାଣି ତିହିଡିରେ ଚିନ୍ତା ବଢ଼ାଉଛି । ଜଳମୟ ହୋଇଯାଇଛି ତିହିଡି ବ୍ଲକର 5 ପଞ୍ଚାୟତ । ଗତ 3 ଦିନ ହେଲା ଜଳସ୍ତର ବୃଦ୍ଧି ପାଉଥିବାରୁ ଶ୍ୟାମସୁନ୍ଦରପୁର, କାଁପଡା, ବାରୋ,ବିଲଣା ଓ ବୋଡକ ଆଦି ପଞ୍ଚାୟତ ଜଳମଗ୍ନ ହୋଇପଡିଛି । ଏ ବନ୍ୟାଜଳ ଅନ୍ୟ ପଞ୍ଚାୟତ ଗୁଡିକୁ ମାଡି ଯିବାର ସମ୍ଭାବନା ରହିଛି ।
ତିହିଡ଼ିରେ ଚିନ୍ତା ବଢ଼ାଉଛି ବନ୍ୟାଜଳ,କମୁଛି ପାଣି,ବଢୁଛି ଦୁର୍ଦ୍ଦଶା
ବୈତରଣୀରେ ବନ୍ୟାଜଳ ପ୍ରବାହ କମୁଛି ହେଲେ ଅନେକ ଅଞ୍ଚଳ ଏବେବି ପାଣି ଘେରରେ ରହିଛି । ଆଖୁଆପଦା ଠାରେ ବିପଦ ସଙ୍କେତ 17.83 ମିଟର ଥିବା ବେଳେ ଏବେ 17.38 ମିଟର, ଅର୍ଥାତ ବିପଦ ସଙ୍କେତ ତଳେ ପ୍ରବାହିତ ହେଉଛି । ଯାହାକି ନଦୀ ଅବବାହିକା ଧାମନଗର ବ୍ଳକ ଓ ଭଣ୍ଡାରୀପୋଖରୀ ବ୍ଲକ ପରେ ତିହିଡ଼ି ବ୍ଳକର ତଳିଆ ଅଞ୍ଚଳକୁ ଏହି ପାଣି ମାଡି ଯାଇଛି ।