ଭଦ୍ରକ: ଗ୍ରାହକ ବେଶରେ ଆସି ଧରାପଡିଲେ ତିନି ମହିଳା ଲୁଟେରା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତି ସେମାନଙ୍କୁ ଥାନାକୁ ନେଇ ଅଧିକ ତଦନ୍ତ ଜାରି ରଖିଛି । ସୂଚନା ଅନୁସାରେ, ଭଦ୍ରକ ବ୍ଲକ ଅନ୍ତର୍ଗତ ରାଣୀତାଲ ବଜାରରେ ଥିବା ମା’ ତାରିଣୀ ଜୁଏଲାର୍ସକୁ ଆସି ତିନି ଜଣ ମହିଳା ସୁନା ଲୁଟିବାକୁ ଉଦ୍ୟମ କରିଥିଲେ ।
ସୁନା ମୁଦି ଦେଖାଇବାକୁ ମାଲିକ ପ୍ରଦୀପ ସାହୁଙ୍କୁ କହିଥିଲେ । ମାଲିକ ସେମାନଙ୍କୁ ମୁଦି ଦେଖାଇବା ଭିତରେ ସେମାନେ ଏକ ମୁଦିକୁ ଲୁଚାଇ ତା ସ୍ଥାନରେ ଅନ୍ୟ ଏକ ମୁଦି ରଖି ଖସିଯିବାକୁ ବସିଥିବା ବେଳେ ମାଲିକ ଜାଣିପାରି ତାଙ୍କୁ ଅଟକାଇଥିଲେ । ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ପହଞ୍ଚି ତିନି ଲୁଟେରାଙ୍କୁ ଥାନାକୁ ନେଇ ଅଧିକ ତଦନ୍ତ ଚାଲୁ ରଖିଥିବା ଜଣାପଡିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
