କଳାକନା ବୁଲାଇଲେ ଚୋର, ସୁନା ଗହଣା ଟଙ୍କା ସହ ଘରୋଇ ସରଞ୍ଜାମ ଚୋରି

ଘରର କବାଟ ଭାଙ୍ଗି ସମସ୍ତ ସୁନା ଗହଣା, ଟଙ୍କା ସହ ଘରୋଇ ସରଞ୍ଜାମ ଚୋରି କରିନେଲେ ଚୋର। ଅଧିକ ପଢନ୍ତୁ...

ଭଦ୍ରକ: କଳାକନା ବୁଲାଇଲେ ଚୋର । ଘର ଭିତରେ ପଶି ସମସ୍ତ ସୁନା ଗହଣା, ଟଙ୍କା ସହ ଘରୋଇ ସରଞ୍ଜାମ ଚୋରି କରିନେଲେ ଚୋର ।

ଖବର ଅନୁଯାୟୀ, ଭଦ୍ରକ ଗ୍ରାମାଞ୍ଚଳ ଥାନା ବେନ୍ତାଳ ଗ୍ରାମର ଦୁଇଟି ଘରୁ ଏହି ଚୋରି ହୋଇଛି । ଘରର କବାଟ ତାଡି ଚୋରମାନେ ସମସ୍ତ ଜିନିଷ ଚୋରି କରିନେଇଛନ୍ତି । ଦୁଇଟି ଘରେ ଗଛିତ ଥିବା ସୁନା, ଗହଣା, ଟଙ୍କା, ଆସବାବ ପତ୍ର ସମସ୍ତ ଜିନିଷ ଲୁଟି ନେଇଛନ୍ତି ଲୁଟେରାମାନେ। ସେମାନଙ୍କ ଘର କବାଟ ଖୋଲା ଥିବା ସହ କିଛି ଘରୋଇ ଜିନିଷ ବାହାରେ ଏଣେତେଣେ ପଡ଼ିଥିବା ଦେଖିବାକୁ ପାଇଥିଲେ ଘର ଲୋକେ । ଏହା ପରେ ସେମାନଙ୍କ ଘରୁ ଏହି ଚୋରି ହୋଇଥିବା ନେଇ ଥାନାରେ ଅଭିଯୋଗ କରିଥିବା ଜଣାପଡିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ