ଭଦ୍ରକ: ଅସଫଳ ହେଲା ଚୋରି ଉଦ୍ୟମ । ବିଦ୍ୟୁତ ତାର ଚୋରି କରୁଥିବାବେଳେ ଜଣେ ଦୁର୍ବୃତ୍ତଙ୍କୁ କାବୁ କଲେ ସ୍ଥାନୀୟ ଲୋକେ । ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ଆମ୍ବୋରୋଳି ପଞ୍ଚାୟତ ଅଧିନସ୍ଥ କନ୍ୟାସାହି ନିକଟରେ ଏଭଳି ଘଟଣା ଦେଖିବାକୁ ମିଳିଛି । ଦୁର୍ବୃତ୍ତକୁ କାବୁ କରି ସ୍ଥାନୀୟ ଲୋକେ ପୋଲିସର ଜିମା ଦେଇଥିବା ସୂଚନା ।
ସୂଚନା ମୁତାବକ, କନ୍ୟାସାହି ନିକଟରେ 33 କେଭି ବିଦ୍ୟୁତ ଲାଇନ ଯାଇଥିବା ବେଳେ ରାତିରେ କିଛି ବ୍ୟକ୍ତି ତାରକୁ ଚୋରି କରି ଏକ ଟ୍ରଲି ଯୋଗେ ନେବାକୁ ଉଦ୍ୟମ କରୁଥିଲେ । ସେହି ସମୟରେ ଦୁର୍ବୃତ୍ତମାନେ ସ୍ଥାନୀୟ ଲୋକଙ୍କ ହାତରେ ଧରାପଡ଼ିଥିଲେ । ଘଟଣାସ୍ଥଳରୁ ଜଣେ ଫେରାର ହୋଇଯାଇଥିବାବେଳେ ଲୋକେ ଜଣକୁ ଧରିବାରେ ସଫଳ ହେଲେ । ତାର ବୋଝେଇ ଟ୍ରଲି ସହ ଦୁର୍ବୃତ୍ତକୁ ବାନ୍ଧି ଅଟକ ରଖିଥିଲେ । ଘଟଣାସ୍ଥଳରେ ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ପହଞ୍ଚି ତଦନ୍ତ କରିବା ସହ ଉକ୍ତ ଦୁର୍ବୃତ୍ତକୁ ଥାନାରେ ଅଟକ ରଖିଛି ପୋଲିସ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
