ଭଦ୍ରକ: ବିଜ୍ଞାନର ଆଲୋକରେ ବିଶ୍ବ ଆଲୋକିତ ହେଉଥିବା ବେଳେ ଆଜି ମଧ୍ୟ କିଛି ଲୋକ ଅନ୍ଧବିଶ୍ବାସରୁ ବାହାରି ପାରିନାହାନ୍ତି । ମହିଳାଙ୍କୁ ଝଡ଼ାଫୁଙ୍କା ଆଳରେ ଅସଦାଚରଣ କରି ଗିରଫ ହୋଇଛି ଜଣେ ଭଣ୍ଡ ଗୁଣିଆ । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ବାଂଶଡା ଥାନା ଅନ୍ତର୍ଗତ ବାରାକୋଲ୍ଲା ଗାଁରେ । ସୂଚନା ଅନୁସାରେ, ବାରାକୋଲ୍ଲା ଗାଁର ଜଣେ ଜନୈକା ମହିଳାଙ୍କ ଦେହ ବାରମ୍ବାର ଅସୁସ୍ଥ ହେବାରୁ ତାଙ୍କ ସ୍ୱାମୀ ସେହି ଅଞ୍ଚଳର ଜଣେ ଗୁଣିଆ ସହ ପରାମର୍ଶ କରିଥିଲେ ।
ଝଡ଼ାଫୁଙ୍କା କରି ମହିଳାଙ୍କୁ ଭଲ କରିଦେବ ବୋଲି କହିଥିଲା ଅଭିଯୁକ୍ତ ଗୁଣିଆ । ଗୁଣିଆର ପରାମର୍ଶ ମୁତାବକ ରାତିସାରା ଦୁହେଁ ଗୋଟିଏ ଘରେ ରହିବାକୁ ପଡ଼ିବ ବୋଲି କହିବାରୁ ମହିଳାଙ୍କ ଜଣଙ୍କ କାନ୍ଦିଥିଲେ । ସକାଳେ ମହିଳା ଜଣକ ଗାଧୋଇ ଠାକୁର ଘରେ ଥିବା ବେଳେ ଝଡ଼ାଫୁଙ୍କା ଆଳରେ ତାଙ୍କୁ ଅସଦାଚରଣ କରିଥିଲା ଅଭିଯୁକ୍ତ । ଏହି ଘଟଣାକୁ ନେଇ ମହିଳା ଓ ଗୁଣିଆଙ୍କ ପରିବାର ମଧ୍ୟରେ ଗଣ୍ଡଗୋଳ ମଧ୍ୟ ହୋଇଥିଲା । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଗୁଣିଆକୁ କାବୁ କରିଥିଲା ।