ଭଦ୍ରକ: ଜିଲ୍ଲା ତିହିଡି ଓ ବାସୁଦେବପୁର ବ୍ଲକକୁ ସଂଯୋଗ କରୁଥିବା ଏକଡାଳ ସେତୁର ଆପ୍ରୋଚ ରୋଡର ଜମି ଚିହ୍ନଟ ପ୍ରକ୍ରିୟାରେ ତିହିଡ଼ି ତହସିଲଦାରଙ୍କ ମନମୁଖୀ କାର୍ଯ୍ୟ ଅଭିଯୋଗ । ଆଜି(ବୁଧବାର) ଏନେଇ କଂଗ୍ରେସ ପକ୍ଷରୁ ତିହିଡି ତହସିଲ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ କରାଯାଇଛି । ଏହି ସେତୁର ପଶ୍ଚିମ ପାଖ ଆପ୍ରୋଚ ରୋଡ ନିର୍ମାଣକୁ ବିରୋଧ କରିଛି କଂଗ୍ରେସ ।
ଜମି ଚିହ୍ନଟ ପ୍ରକ୍ରିୟାରେ ତହସିଲଦାରଙ୍କ ମନମୁଖୀ କାର୍ଯ୍ୟ ବିରୁଦ୍ଧରେ ଆମରଣ ଅନଶନ ବାହାବଳପୁର ମୌଜାର 1291 ପ୍ଲଟ ପୋଖରୀ ପାଇଁ ସରକାରୀ ସ୍ତରରେ ଯେଉଁ ମାପଚୁପ କରାଯାଇଥିଲା ସେଥିରେ ଏହି ଜଳାଶୟକୁ ସରକାରୀ ପ୍ଲଟ ଦର୍ଶାଯାଇ ଆପ୍ରୋଚ ରୋଡ ନିର୍ମାଣ ଚାଲୁଛି । ଯାହାକୁ ପୂନର୍ବାର ମାପଚୁପ କରିବା ଲାଗି ଦାବି କରାଯାଇଛି । କଂଗ୍ରେସ ପକ୍ଷରୁ ଅନୁଷ୍ଠିତ ଏହି ଆମରଣ ଅନଶନ ଦାବି ପୂରଣ ନହେବା ପର୍ଯ୍ୟନ୍ତ ଜାରି ରହିବ ବୋଲି ଚେତାବନୀ ଦିଆଯାଇଛି । ତେବେ ଏନେଇ ବିଭାଗୀୟ ଅଧିକାରୀ କିମ୍ବା ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
