ଭଦ୍ରକ: ଜିଲ୍ଲାର ବାସୁଦେବପୁର ପୌରପାଳିକାର 19 ନମ୍ବର ୱାର୍ଡ ଅନ୍ତର୍ଗତ ବଳିବିନ୍ଧା ଗାଁରେ ଭୟାବହ ଅଗ୍ନିକାଣ୍ଡ। ଜଳି ପାଉଁଶ ହୋଇଗଲା 7 ପରିବାରର 10 ବଖରା ଘର। ତେବେ ନିଆଁର ପ୍ରଖରତା ଏତେ ଜୋରରେ ଥିଲା ଯେ, ଘରୁ କିଛି ବାହାର କରିବା ସମ୍ଭବ ହୋଇନଥିଲା। ଚାହୁଁ ଚାହୁଁ 10 ବଖରା ଘର ପୋଡି ପାଉଁଶ ହୋଇଯାଇଥିଲା।
ଅଗ୍ନକାଣ୍ଡରେ 7 ପରିବାରର 10 ବଖରା ଘର ପୋଡି ପାଉଁଶ
କେବଳ ପିନ୍ଧାଲୁଗା ବ୍ୟତୀତ ଘର ଭିତରୁ ଅନ୍ୟ କୌଣସି ଜିନିଷ ବାହାରକୁ କାଢିପାରିନଥିଲେ ଲୋକେ । ଫଳରେ ସମସ୍ତ ଆସବାବପତ୍ର, ଅଳଙ୍କାର, ଧାନ, ଚାଉଳ ଓ ଅନ୍ୟାନ୍ୟ ଜିନିଷ ସମେତ ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ ହୋଇଯାଇଥିବା ସୂଚନା ମିଳିଛି।