ଭଦ୍ରକ: ଆଜି ଶ୍ରାବଣ ମାସର 2ୟ ସୋମବାର। ଭଦ୍ରକ ଜିଲ୍ଲା ଆରଡିଧାମର ଅଧିଶ୍ବର ଆଖଣ୍ଡଳମଣିଙ୍କୁ ଜଳଲାଗି କରିବା ପାଇଁ ରାଜ୍ୟ ଓ ରାଜ୍ୟ ବାହାରୁ ଆସିଥାନ୍ତେ ହଜାର ହଜାର କାଉଡିଆ ଭକ୍ତ । ହେଲେ ମହାମାରୀ କୋରୋନା ପାଇଁ କଟକଣା ଜାରି ହେବା ସହ ପୀଠରେ 144 ଧାରା ଜାରି ହୋଇଥିବାରୁ ସମଗ୍ର ପୀଠ ଭକ୍ତଶୂନ୍ୟ ହୋଇପଡିଛି । ଖାଁଖାଁ ଲାଗୁଛି ଆଖଣ୍ଡଳମଣି ଶୈବ ପୀଠ ।
ଆଖଣ୍ଡଳମଣି ପୀଠରେ 144 ଧାରା ଲାଗୁ
ଯେଉଁଠି କାଉଡିଆଙ୍କ ବୋଲବୋମ ହରହର ବୋମ, ମଣିବାବା ପାର କରେଗା ଧ୍ବନୀରେ ମୁଖରିତ ହୋଇଥାନ୍ତା ସେଠି ଆଜି ଶୂନଶାନ ହୋଇପଡିଛି । ଏପରିକି କୌଣସି ଭକ୍ତ ଯେପରି ପୀଠକୁ ଜଳଭାର ନେଇ ନଆସିବେ ସେଥିପାଇଁ ରବିବାର ଠାରୁ ସୋମବାର ଯାଏଁ ଆରଡି ପୀଠ ଓ ମନ୍ଦିର ପରିସରରେ ପ୍ରଶାସନ ପକ୍ଷରୁ ଜାରି ହୋଇଛି 144 ଧାରା ।