ଟ୍ରଲରକୁ ପିଟିଲା ଟ୍ରକ, ଟ୍ରକ ଡ୍ରାଇଭର ମୃତ

ଭାରସାମ୍ୟ ହରାଇ ଟ୍ରଲର ପଛପଟକୁ ପିଟିଲା ଟ୍ରକ। ଘଟଣାସ୍ଥଳରେ ଟ୍ରକ ଡ୍ରାଇଭର ଲକ୍ଷ୍ମଣ ରେଡ୍ଡୀଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ...

ଭଦ୍ରକ: ଟ୍ରଲର ପଛପଟକୁ ପିଟିଲା ଟ୍ରକ । ଘଟଣାସ୍ଥଳରେ ଟ୍ରକ ଡ୍ରାଇଭର ମୃତ । ମୃତ ଟ୍ରକ ଡ୍ରାଇଭର ଆନ୍ଧ୍ରପ୍ରଦେଶର ଲକ୍ଷ୍ମଣ ରେଡ୍ଡୀ ବୋଲି ଜଣାପଡିଛି ।

ସୂଚନାନୁଯାୟୀ, ଟ୍ରକଟି ବାଲେଶ୍ବର ପଟୁ କଟକ ଅଭିମୁଖେ ଯାଉଥିଲା । ତେବେ 16 ନମ୍ବର ଜାତୀୟ ରାଜପଥ କହରା ପୋଖରୀ ଛକ ନିକଟରେ ଏକ ଟ୍ରଲର ଛିଡା ହୋଇବାବେଳେ ନିୟନ୍ତ୍ରଣ ହରାଇ ଟ୍ରକଟି ଉକ୍ତ ଟ୍ରଲର ପଛପଟକୁ ବାଡେଇଥିଲା । ଫଳରେ ଘଟଣାସ୍ଥଳରେ ହିଁ ଟ୍ରକ ଡ୍ରାଇଭରର ମୃତ୍ୟୁ ହୋଇଛି ।

ଖବରପାଇ ଘଟଣାସ୍ଥଳରେ ଭଣ୍ଡାରିପୋଖରୀ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଟ୍ରକ ଭିତରୁ ଡ୍ରାଇଭରର ମୃତ ଶରୀରକୁ ବାହାର କରିଥିଲେ । ପରେ ମୃତଦେହକୁ ବ୍ୟବଚ୍ଛେଦ ପାଇଁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ