ଭଦ୍ରକ:ମର୍ମନ୍ତୁଦ ଦୁର୍ଘଟଣାରେ ୨ ମୃତ ଓ ଜଣେ ଗୁରୁତର । ଏଭଳି ଘଟଣା ଘଟିଛି ଜିଲ୍ଲାର ଚାନ୍ଦବାଲି-ବିଜୟନଗର ରାସ୍ତା ବିଦ୍ୟୁତ ଗ୍ରୀଡ଼ ନିକଟରେ । ମୃତକ 2 ଜଣଙ୍କ ମଧ୍ୟରୁ ଜଣେ ବିଜୟ ନଗର ପଞ୍ଚାୟତର ସୁଦର୍ଶନ ନାୟକ ଏବଂ ଅନ୍ୟ ଜଣେ ଚରଦିଆ ପଞ୍ଚାୟତ ହରେକୃଷ୍ଣପୁର ଗ୍ରାମର ଶାନ୍ତିପଦ ସାହୁ ବୋଲି ଜଣାପଡିଛି। ସେହିପରି ଗୁରୁତର ଜଣଙ୍କ ହେଉଛନ୍ତି ପଞ୍ଚାୟତ ହରେକୃଷ୍ଣପୁର ଗ୍ରାମର ବାପି ପାଳ ।
ବାଇକ ମୁହାଁମୁହିଁ ଧକ୍କାରେ 2 ମୃତ, ପରିବାରକୁ ସମବେଦନା ଜଣାଇଲେ ବିଧାୟକ ସୂଚନାଅନୁଯାୟୀ ଗତକାଲି ଚାନ୍ଦବାଲି- ବିଜୟନଗର ରାସ୍ତାରେ ଦୁଇ ବାଇକ ଭାରସାମ୍ୟ ହରାଇ ମୁହାଁମୁହିଁ ଧକ୍କା ହୋଇଥିଲେ । ଫଳରେ ବାଇକରେ ଥିବା ୩ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ଦୁଇ ଜଣକୁ ମୃତ ଘୋଷଣା କରିବା ପରେ ଗୁରୁତର ଆହତଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ଏନେଇ ଖବର ପାଇଁ ଚାନ୍ଦବାଲି ବିଧାୟକ ଡ.ବ୍ୟୋମକେଶ ରାୟ ମେଡିକାଲରେ ପହଞ୍ଚି ଶୋକସନ୍ତପ୍ତ ପରିବାରକୁ ସମବେଦନା ଜ୍ଞାପନ କରିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
