ଭଦ୍ରକ: ଭଦ୍ରକ ଜିଲ୍ଲା ଚାନ୍ଦବାଲି ସହରରରେ ଗୋପବନ୍ଧୁଙ୍କ ପ୍ରତିମୂର୍ତ୍ତି ନିକଟରେ ପ୍ରସ୍ତାବିତ ପାଇଖାନା ନିର୍ମାଣ ଉପରେ ସିଭିଲ ସୋସାଇଟି ବିରୋଧ କରି ଚାନ୍ଦବାଲି ତହସିଲରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତିକରି ତହସିଲଦାର ଏକ ଅଭିଯୋଗ ଶୁଣାଣି ପାଇଁ ସିଭିଲ ସୋସାଇଟିକୁ ଚିଠି କରିଥିଲେ । ତହସିଲଦାରଙ୍କ ସହ ସିଭିଲ ସୋସାଇଟିର ଏହି ବୈଠକରେ ଗଣମାଧ୍ୟମ ପ୍ରତିନିଧି ମାନେ ଯୋଗ ଦେଇ ଖବର ସଂଗ୍ରହ କରୁଥିଲେ ।
ତେବେ ହଠାତ ତହସିଲଦାର ଶୁଶାନ୍ତ ସୁତାର ଗଣମାଧ୍ୟମ ପ୍ରତିନିଧି ମାନଙ୍କ ଉପରେ କ୍ରୋଧାନ୍ବିତ ହୋଇ ତହସିଲ କାର୍ଯ୍ୟାଳୟରୁ ବାହାରି ଯିବାକୁ କହିବା ସହ ଗଣମାଧ୍ୟମ ପ୍ରତିନିଧି ମାନଙ୍କୁ ଅସମ୍ମାନ କରିଥିବା ଜଣାପଡିଛି । ଗଣାମାଧ୍ୟମ ପ୍ରତିନିଧି ମାନଙ୍କୁ ତହସିଲଦାରଙ୍କ ଅଶାଳୀନ ବ୍ୟବହାର ପାଇଁ ସିଭିଲ ସୋସାଇଟି ପକ୍ଷରୁ ଗୋପବନ୍ଧୁଙ୍କ ପ୍ରତିମୂର୍ତ୍ତି ଆଗରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସିଭିଲ ସୋସାଇଟିର କର୍ମକର୍ତ୍ତା ମାନେ ତହସିଲଦାରଙ୍କ ଉପରେ ବର୍ଷିଥିଲେ ।
ଭଦ୍ରକ ଗଣମାଧ୍ୟମ ପ୍ରତିନିଧିଙ୍କୁ ଅସମ୍ମାନ ବିରୋଧରେ ପ୍ରତିବାଦ