ଭଦ୍ରକ: ବାସୁଦେବପୁର ଶ୍ରୀ ଗ୍ୟାସ ଏଜେନ୍ସିରେ କାର୍ଯ୍ୟରତ ଡ୍ରାଇଭରଙ୍କ ମୃତ୍ୟୁକୁ ନେଇ ଉତ୍ତେଜନା। କ୍ଷତିପୂରଣ ଦାବିରେ ଶ୍ରୀ ଗ୍ୟାସ ଏଜେନ୍ସିର ଗୋଦାମ ଆଗରେ ଟାୟାର ଜାଳି ରାସ୍ତାରୋକ କରିଥିଲେ ଉତ୍ତ୍ୟକ୍ତଲୋକେ । ବାସୁଦେବପୁର-ଭଦ୍ରକରେ ରାସ୍ତାରୋକ କରାଯାଇ ଥିବାବେଳେ ପୋଲିସର ବୁଝାସୁଝା ପରେ ଆନ୍ଦୋଳନରୁ ଓହରିଥିଲେ ପରିବାର ଓ ଗ୍ରାମବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା,ଭଦ୍ରକ
ସୂଚନାଯୋଗ୍ୟ, ଶରତ ମାହାନା ଜଣକ ଏକ ବ୍ୟକ୍ତି ବାସୁଦେବପୁର ଶ୍ରୀ ଗ୍ୟାସ ଏଜେନ୍ସିରେ ଡ୍ରାଇଭର ଭାବେ କାର୍ଯ୍ୟ କରୁଥିଲେ । ଆଜି ଗ୍ୟାସ ଗୋଦାମ ଘରେ କାମ କରୁଥିବାବେଳେ ହଠାତ ତଳେ ପଡିଯାଇଥିଲେ ଶରତ । ତେବେ ତାଙ୍କୁ ତୁରନ୍ତ ଅନ୍ୟ କର୍ମଚାରୀମାନେ ଉଦ୍ଧାର କରି ବାସୁଦେବପୁର ମେଡିକାଲକୁ ନେଇଥିଲେ । ହେଲେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।