ଭଦ୍ରକ: ପୁଣି ଭାରାରେ ବୁହା ହେଲେ ଗର୍ଭବତୀ । ଗାଁକୁ ଭଲ ରାସ୍ତା ନଥିବାରୁ ଆସି ପାରୁନି ଆମ୍ବୁଲାନ୍ସ । ଫଳରେ କାଦୁଅ ପଚପଚ ରାସ୍ତାରେ 4 କିମି ପର୍ଯ୍ୟନ୍ତ ଗର୍ଭବତୀଙ୍କୁ ଭାରରେ ବୋହିଲେ ଗାଁ ଲୋକେ । କୌଣସି ଉପାନ୍ତ ଅଞ୍ଚଳ ନୁହେଁ ଏହି ଦୃଶ୍ୟ ହେଉଛି ଭଦ୍ରକ ଜିଲ୍ଲା ବାସୁଦେବପୁର ବ୍ଳକ ବାଲିମୁଣ୍ଡା ପଞ୍ଚାୟତର ପାଞ୍ଚଘେରିଆ ଗ୍ରାମର ।
ଥମୁନି ଜନନୀ ଯନ୍ତ୍ରଣା; 4 କିମି ଭାରାରେ ବୁହା ହେଲେ ଗର୍ଭବତୀ
କେନ୍ଦ୍ର ସରକାରଙ୍କ ଠାରୁ ଆରମ୍ଭ କରି ରାଜ୍ୟ ସରକାରଙ୍କ ମାଳମାଳ ଯୋଜନା ଯେମିତି ସାତ ସପନ ପାଲଟିଛି ଏହି ପାଞ୍ଚଘେରିଆ ଗ୍ରାମବାସୀଙ୍କ ପାଇଁ । ଗାଁରେ 30ରୁ ଉର୍ଦ୍ଧ୍ବ ପରିବାର ବସବାସ କରୁଛନ୍ତି । ଅସରାଏ ବର୍ଷା ହେଲେ ପାଣି କାଦୁଅ ରାସ୍ତାରେ ଯିବା ଲୋକଙ୍କ ପାଇଁ ଅତି କଷ୍ଟକର ହୋଇପଡୁଛି । ସେପଟେ ଡାକ୍ତରଖାନା ଯିବାକୁ ହେଲେ ଗ୍ରାମବାସୀଙ୍କୁ ପ୍ରତ୍ୟେକ ଦିନ ସଂଘର୍ଷ କରିବାକୁ ପଡୁଛି ।