ଭଦ୍ରକ: ଜନନୀ ସୁରକ୍ଷା ଯୋଜନାର ଆଉ ଏକ ନଗ୍ନ ଚିତ୍ର ସାମ୍ନାକୁ ଆସିଛି। କବାଟରେ ବୁହା ହୋଇଛନ୍ତି ଗର୍ଭବତୀ। ଚାନ୍ଦବାଲି ତେନ୍ତୁଲିଡିହ ଅଞ୍ଚଳରେ ଘଟିଛି ଏହି ଘଟଣା। ଗାଁ ରାସ୍ତା ଭଲ ନଥିବାରୁ ପ୍ରାୟ 1 କିଲୋମିଟର ବାଟ ବୁହା ହୋଇ ଗର୍ଭତବତୀଙ୍କୁ ଅଟୋ ଯୋଗେ ଡାକ୍ତରଖାନା ନିଆଯାଇଥିଲା ।
ସୂଚନା ଅନୁଯାୟୀ ସୋମବାର କୁହ୍ଲିବିନ୍ଧା ଗ୍ରାମର ତ୍ରିଲୋଚନ ମହାନ୍ତିଙ୍କ ଝିଅର ପ୍ରସବ ଜନିତ ଯନ୍ତ୍ରଣା ଆରମ୍ଭ ହୋଇଥିଲା। ପରିବାର ଲୋକେ 108 ଅମ୍ବୁଲାନ୍ସକୁ ଫୋନ କରିଥିଲେ କିନ୍ତୁ ଗାଁ ରାସ୍ତାରେ ଆମ୍ବୁଲାନ୍ସ ଆସିବା ସମ୍ଭବ ନଥିବାରୁ ଆସିବାକୁ ମନା କରିଥିଲା ଆମ୍ବୁଲାନ୍ସ । ପରେ ପରିବାର ଲୋକେ ଏକ କବାଟକୁ ଭାର କରି ପ୍ରସୂତିଙ୍କୁ ବିଲ ରାସ୍ତା ଦେଇ ପାଖାପାଖି 1 କିଲୋମିଟର ପରେ ମୂଖ୍ୟ ରାସ୍ତାକୁ ଆଣିଥିଲେ। ସେଠାରୁ ଏକ ଅଟୋ ଯୋଗେ ଗର୍ଭବତୀ ମହିଳାଙ୍କୁ ଚାନ୍ଦବାଲି ମେଡିକାଲକୁ ନିଆଯାଇଥିଲା। ତେବେ ଗାଁକୁ ରାସ୍ତା ଖଣ୍ଡେ ନଥିବାରୁ ଏହିପରି ଘଟଣା ଘଟିଥିବା ସୂଚନା ମିଳିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
