ଭଦ୍ରକ:ପଣ୍ଡ ହେଲା ବେଆଇନ ଗୋରୁ ଚାଲାଣ । ଭଦ୍ରକ ପୋଲିସ ଗୋରୁ ଚାଲାଣ ରୋକିବାରେ ସଫଳ ହୋଇଛି । ଜିଲ୍ଲାର ପୁରଣା ବଜାର ଥାନା ଅଞ୍ଚଳରୁ ଗୋଟିଏ ଗୋରୁ ବୋଝେଇ କଣ୍ଟେନରକୁ ଜବତ କରିଛି ପୋଲିସ ।
ସୂଚନାଅନୁସାରେ, ଗତକାଲି ବିଳମ୍ବିତ ରାତିରେ ଭଦ୍ରକ ପୁରୁଣା ବଜାର ଥାନା ଅଞ୍ଚଳରେ ଗୋରୁ ଚାଲାଣ ହେଉଥିବା ନେଇ ପୋଲିସକୁ ଖବର ମିଳିଥିଲା । ପୋଲିସ ଖବର ପାଇବା ମାତ୍ରେ ଚାଲାଣକାରୀଙ୍କୁ ଧରିବାକୁ ବାହାରିଥିଲା । ଆଶ୍ଚର୍ଯ୍ୟକର କଥା ହେଲା ଡାକ ପାର୍ସଲ ଗାଡିରେ ମାଫିଆମାନେ ଗୋରୁ ଚାଲାଣ କରୁଥିଲେ । ପୋଲିସ ଚାଲାଣ ପଣ୍ଡ କରିବା ସହିତ ଗୋରୁ ଓ ଷଣ୍ଢଙ୍କୁ ସୁରକ୍ଷିତ ଉଦ୍ଧାର କରିଛି ।