ଯୁବକଙ୍କ ନିକଟରୁ 33 ଲକ୍ଷ ମୂଲ୍ୟର ଧଳାଜହର ଜବତ

ଭଦ୍ରକ-ଚାନ୍ଦବାଲି ରାସ୍ତା କାରମେଲ ସ୍କୁଲ ନିକଟରେ ସନ୍ଦିଗ୍ଧ ଅବସ୍ଥାରେ ଯାଉଥିବା ଜଣେ ଯୁବକ ନିକଟରୁ 33 ଲକ୍ଷ ଟଙ୍କାର ବ୍ରାଉନ ସୁଗାର ଜବତ । ଅଧିକ ପଢନ୍ତୁ...

ଭଦ୍ରକ: ବିପୁଳ ପରିମାଣର ବ୍ରାଉନ ସୁଗାର ଜବତ । ପ୍ରାୟ 330 ଗ୍ରାମର ବ୍ରାଉନ ସୁଗାର ସହ ଜଣଙ୍କୁ ଗିରଫ କରିଛି ଭଦ୍ରକ ପୁରୁଣା ବଜାର ପୋଲିସ। ଜବତ ବ୍ରାଉନ ସୁଗାରର ଆନୁମାନିକ ବଜାର ମୂଲ୍ୟ 33 ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି।

ସୂଚନା ଅନୁଯାୟୀ, ଭଦ୍ରକ-ଚାନ୍ଦବାଲି ରାସ୍ତା କାରମେଲ ସ୍କୁଲ ନିକଟରେ ସନ୍ଦିଗ୍ଧ ଅବସ୍ଥାରେ ଯାଉଥିବା ଜଣେ ଯୁବକକୁ ପୋଲିସ ତଲାସି କରିବା ପରେ ତା ନିକଟରୁ ବ୍ରାଉନସୁଗାର ମିଳିଥିଲା ।

ତେବେ ପୂର୍ବରୁ ଏହି ଯୁବକ ଜଣକ ବେଆଇନ ବ୍ରାଉନ ସୁଗାର କାରବାରରେ ସମ୍ପୃକ୍ତ ଥିବା ପୋଲିସ ପକ୍ଷରୁ ସୂଚନା ଦିଆଯାଇଛି। ଏହି ଘଟଣାରେ ଗିରଫ ହୋଇଥିବା ଯୁବକ ଜଣଙ୍କ ହେଲେ ବାସୁଦେବପୁର କୁସୁଣିବିନ୍ଧା ଅଞ୍ଚଳର ମାନରଞ୍ଜନ ମଲ୍ଲିକ ।

ତାଙ୍କ ନିକଟରୁ ଏକ ବାଇକ ମଧ୍ୟ ଜବତ କରିଛି ପୋଲିସ। ଆଜି(ବୁଧବାର) ଏକ ବିଶ୍ବସ୍ତ ସୂତ୍ରରୁ ଖବର ପାଇ ପୋଲିସକୁ ଏହି ସଫଳତା ମିଳିଥିବା ସୂଚନା ଦେଇଛନ୍ତି ଭଦ୍ରକ ଏସଡିପିଓ ସାର୍ଥକ ରାୟ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ