ଭଦ୍ରକ: ଜିଲ୍ଲାରେ ପୋଲିସ କର୍ମଚାରୀମାନଙ୍କୁ କୋଭିଡ ସମୟରେ କାମ କରିବାକୁ ଉତ୍ସାହିତ କରିବା ଓ ସେମାନଙ୍କ ସହିତ ଆଲୋଚନା ପାଇଁ ମଙ୍ଗଳବାର ଭଦ୍ରକ ଗସ୍ତ କରିଥିଲେ ପୋଲିସ ଡିଜି ଅଭୟ । ଜିଲ୍ଲା ଆରକ୍ଷୀ ଅଧୀକ୍ଷକଙ୍କ କାର୍ଯ୍ୟାଳୟ ପରିସରରେ ପ୍ରଥମେ ଜିଲ୍ଲାର କୋଭିଡ ସ୍ଥିତି ଓ ପୋଲିସ କର୍ମଚାରୀଙ୍କ କାର୍ଯ୍ୟ ଉପରେ ସମୀକ୍ଷା କରିଥିଲେ । ଏପରିକି ଯେଉଁ ପୋଲିସ ଅଧିକାରୀମାନେ କୋଭିଡରେ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ ସେମାନଙ୍କୁ ଉତ୍ସାହିତ ଓ ସମ୍ବର୍ଦ୍ଧିତ କରିଥିଲେ ।
ଭଦ୍ରକ ଗସ୍ତ କରି ପୋଲିସ କର୍ମୀଙ୍କ ସହ ଆଲୋଚନା କଲେ ପୋଲିସ ଡିଜି
ସେହିପରି ସାଇବର କ୍ରାଇମ ସହିତ ମାନବାଧିକାର ମାମଲା ଗୁଡିକ ଉପରେ ବିଶେଷ ଭାବେ ସମୀକ୍ଷା କରିବା ସହ ଏହା ଉପରେ ଦୃଷ୍ଟି ଦେବାକୁ ପରାମର୍ଶ ଦେଇଥିଲେ । ତେବେ କୋଭିଡ ସମୟରେ ଭଦ୍ରକ ଜିଲ୍ଲା ପୋଲିସ ବେଶ ଭଲ ଭାବେ କାର୍ଯ୍ୟ ସମ୍ପାଦନ କରିଥିବାରୁ ସେମାନଙ୍କୁ ପ୍ରଶଂସା କରିଥିଲେ ।