ଭଦ୍ରକରୁ କାଠ ବୋଝେଇ ପିକଅପ ଭ୍ୟାନ ଜବତ, ତଦନ୍ତ ଜାରି

କାଠ ବୋଝେଇ ପିକଅପ ଭ୍ୟାନ ଜବତ । ଭ୍ୟାନର ଡ୍ରାଇଭର ଫେରାର । ଘଟଣାର ତଦନ୍ତ ଜାରି । ଅଧିକ ପଢନ୍ତୁ.....

ଭଦ୍ରକ:କାଠ ବୋଝେଇ ପିକଅପ ଭ୍ୟାନ ଜବତ । ଏହା ସହ ଭ୍ୟାନର ଡ୍ରାଇଭର ଫେରାର ହୋଇଥିବା ଜଣାପଡିଛି । ବନ ବିଭାଗ ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ଭଦ୍ରକ ଜିଲ୍ଲା ବାସୁଦେବପୁର ବନବିଭାଗ ପକ୍ଷରୁ ପେଟ୍ରୋଲିଙ୍ଗ କରୁଥିବା ସମୟରେ ଚୋରା କାଠ ଚାଲାଣ ହେବାର ଖବର ପାଇଥିଲା।

କାଠ ବୋଝେଇ ଗାଡିଟି ବାସୁଦେବପୁରରୁ ଅନନ୍ତପୁର ଯାଉଥିବା ବେଳେ ଭୈରବପୁର ଛକ ପାଖରେ କାବୁ କରିଥିଲା ବନବିଭାଗ । ହେଲେ କୌଶଳ କ୍ରମେ ଡ୍ରାଇଭର ଚକମା ଦେଇ ଖସି ପଳାଇଥିଲା । ଚୋରା କାଠକୁ ବନ ବିଭାଗ ଜବତ କରିଛି । ଯାହାର ମୂଲ୍ୟ 40 ହଜାର ଟଙ୍କା ହେବ ବୋଲି ଅନୁମାନ କରାଯାଉଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ