ଭଦ୍ରକ: ଜିଲ୍ଲାର ଧାମରା ବନ୍ଦର ଆଦାନୀ କମ୍ପାନୀର ରେଳପଥ ମଙ୍ଗଳପୁର ଠାରେ ୨ ଘଣ୍ଟିଆ ରେଳରୋକ କରାଯାଇଥିଲା । ବିଗତ ବର୍ଷ ବର୍ଷ ଧରି ଏହି ବନ୍ଦର କମ୍ପାନୀ ଲୋକଙ୍କୁ ପ୍ରତାରିତ କରି ଆସୁଥିବାର ଅଭିଯୋଗ ହୋଇଛି । ଗ୍ରାମ ରାସ୍ତାକୁ ସଂଯୋଗ କରୁଥିବା ରେଳପଥରେ ଫାଟକ ନିର୍ମାଣ କରିବା ସହିତ ରେଳପଥର ଉଭୟ ପାର୍ଶ୍ବରେ ୧୦୦ ମିଟର ପର୍ଯ୍ୟନ୍ତ ବ୍ୟାରିକଟ ନିର୍ମାଣ କରିବା ଏବଂ ରେଳ ଚଳାଚଳ ସମୟରେ ହର୍ଣ୍ଣ ବଜାଇବା ଦାବି ଜୋର ଧରିଛି ।
କମ୍ପାନୀ ଲୋକଙ୍କୁ ପ୍ରତାରିତ କରୁଥିବା ଅଭିଯୋଗରେ ଦୁଇ ଘଣ୍ଟିଆ ରେଳରୋକ
ଏହାକୁ କାର୍ଯ୍ୟକାରୀ କରିବା ପାଇଁ ୨୦୧୦ ମସିହା ଠାରୁ ଦାବି ହୋଇ ଆସୁଥିଲେ ହେଁ ବନ୍ଦର କମ୍ପାନୀ ଏହାର ପ୍ରତିକାର କରୁନାହିଁ। ଯାହା ଫଳରେ ଶହଶହ ଗୃହପାଳିତ ପଶୁ ମାନଙ୍କର ଅକାରଣରେ ଜୀବନ ଯିବା ସହିତ ବହୁ ପଞ୍ଚାୟତବାସୀ ଭୟାତୁର ଅବସ୍ଥାରେ କାଳାତିପାତ କରୁଛନ୍ତି ।