ଭଦ୍ରକ: ପଞ୍ଚାୟତ ନିର୍ବାଚନକୁ ନେଇ ସରଗରମ ଭଣ୍ଡାରୀପୋଖରୀ ନିର୍ବାଚନ ମଣ୍ଡଳୀ । ଭଦ୍ରକ ଜିଲ୍ଲାର ଦୁଇଟି ବ୍ଲକକୁ ନେଇ ଭଣ୍ଡାରୀପୋଖରୀ ନିର୍ବାଚନ ମଣ୍ଡଳୀ ଗଠିତ । ଏହି ନିର୍ବାଚନ ମଣ୍ଡଳୀର ବନ୍ତ ବ୍ଲକରେ 25 ଟି ଏବଂ ଭଣ୍ଡାରିପୋଖରୀ ବ୍ଲକରେ 23 ଟି ପଞ୍ଚାୟତ। ମୋଟ 48 ଟି ପଞ୍ଚାୟତ ମଧ୍ୟରେ ଜିଲ୍ଲାର 6 ଟି ଜିଲ୍ଲାପରିଷଦ ଜୋନ୍ ଅଛି ।
ଭଣ୍ଡାରୀପୋଖରୀ ନିର୍ବାଚନମଣ୍ଡଳୀରେ ପଞ୍ଚାୟତ ନିର୍ବାଚନର ମାହୋଲ
2012 ମସିହାରେ ଦୁଇଟି ଯାକ ବ୍ଲକ ଶାସକ ବିଜେଡି ଦଳ ଦଖଲ କରିଥିବା ବେଳେ 2017 ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବନ୍ତ ବ୍ଲକକୁ ବିଜେଡି ଏବଂ ଭଣ୍ଡାରିପୋଖରୀ ବ୍ଲକକୁ ବିଜେପି ଓ କଂଗ୍ରେସ ମିଶି ଦଖଲ କରିଥିଲେ। ତେବେ 2012 ଏବଂ 2017 ପଞ୍ଚାୟତ ନିର୍ବାଚନରେ ସମସ୍ତ 6 ଟି ଯାକ ଜିଲ୍ଲାପରିଷଦ ଜୋନକୁ ଶାସକ ବିଜେଡି ଦଖଲ କରିଥିଲା। ଅନ୍ୟ ପକ୍ଷରେ ଏହି ନିର୍ବାଚନ ମଣ୍ଡଳୀରେ 2019 ସାଧାରଣ ନିର୍ବାଚନ ରାଜ୍ଯରେ ବେଶ୍ ଚର୍ଚ୍ଚିତ ନିର୍ବାଚନମଣ୍ଡଳୀ ଥିଲା।