ଶୌଚ ହେବାକୁ ଯାଇ ପୋଖରୀରେ ବୁଡି ଯୁବକ ମୃତ

କାର୍ତ୍ତିକ ପୂର୍ଣ୍ଣିମା ପାଇଁ ଚାରିଆଡେ ଖୁସିର ମାହୋଲ ଥିବାବେଳେ ଭଦ୍ରକରୁ ଆସିଛି ଏକ ଦୁଃଖଦ ଖବର । ପୋଖରୀରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି । ଅଧିକ ପଢନ୍ତୁ...

ଭଦ୍ରକ: ଶୌଚ ହେବାକୁ ଯାଇ ପୋଖରୀରେ ବୁଡିଗଲେ ଯୁବକ । ଏଭଳି ଦୁଃଖଦ ଘଟଣା ଘଟିଛି ଭଦ୍ରକ ଜିଲ୍ଲା କସିଆ ମେରାଇନ ଥାନା ଅଧିନସ୍ଥ ନଟିଆପାଳ ଗାଁରେ । ମୃତକ ହେଲେ ସେହି ଗାଁର ତପନ ବାରିକ ।

ସୂଚନା ଅନୁଯାୟୀ, ତପନ ଘର ନିକଟସ୍ଥ ପୋଖରୀ ପାଖକୁ ଶୌଚ ହେବାକୁ ଯାଇଥିଲେ । ହେଲେ ଅସାବଧାନତା ବଶତଃ ପୋଖରୀରେ ଖସି ପଡିଥିଲେ । ପହଁରା ଜାଣି ନଥିବାରୁ ପୋଖରୀରେ ବୁଡି ଯାଇଥିଲେ । ପରିବାର ଲୋକେ ବହୁ ଖୋଜାଖୋଜି ପରେ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ