ଭଦ୍ରକ ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା : ଯୁବକ ମୃତ, ତାତିଲେ ଲୋକ
ଭଦ୍ରକ : ଭଦ୍ରକ ଜିଲ୍ଲା 16ନମ୍ବର ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ଯୁବକଙ୍କର ମୃତ୍ୟୁ ହୋଇଛି । ତେବେ ଏହି ଘଟଣା ପରେ ସ୍ଥାନୀୟ ଲୋକେ ଜାତୀୟ ରାଜପଥ ଅବରୋଧ କରିଥିଲେ । ଡିବିଏଲ କମ୍ପାନୀ ପକ୍ଷରୁ ଜାରି ରହିଥିବା ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟ ମନ୍ଥର ଗତିରେ ଚାଲୁଥିବା ଯୋଗୁଁ ଏହିପରି ମାରାଥନ ଦୁର୍ଘଟଣା ଘଟିଥିବା ଅଭିଯୋଗ କରିଥିଲେ ।
ସୂଚନାନୁସାରେ ଜିଲ୍ଲା ଆରଡ଼ି ଛକ ନିକଟରେ ଆଜି ଏକ ଟ୍ରକଟି ହଠାତ ଏକ ବାଇକ ଚାଳକ ଉପରେ ଚଢ଼ି ଯାଇଥିଲା । ଫଳରେ ବାଇକ ସହ ଆରୋହୀ ଜଣକ ଟ୍ରକ ତଳେ ଚାପି ହୋଇଯାଇଥିଲେ । ଯାହାଫଳରେ ଘଟଣାସ୍ଥଳରେ ହିଁ ବାଇକ ଚାଳକଙ୍କର ମୃତ୍ୟୁ ହୋଇଥିଲା । ଏହାକୁ ନେଇ ସ୍ଥାନୀୟ ବାସିନ୍ଦା ଅସନ୍ତୋଷ ପ୍ରକାଶ କରିବାସହ ରାଜପଥ ସମ୍ପ୍ରସାରଣ କାର୍ଯ୍ୟରେ ନିୟୋଜିତ ଡିବିଏଲ କମ୍ପାନୀର ଧିମା କାର୍ଯ୍ୟ ପାଇଁ ଏହିପରି ଦୁର୍ଘଟଣା ଘଟିଥିବା ଅଭିଯୋଗ କରିଛନ୍ତି ।