ଭଦ୍ରକ: ହଜିଗଲା ମାନବିକତା, ଫଳରେ ଦୁର୍ଘଟଣାଗ୍ରସ୍ତ ଯୁବକଙ୍କ ଚାଲିଗଲା ଜୀବନ । ଏପରି ଏକ ଦୁଃଖଦ ଘଟଣା ଦେଖିବାକୁ ମିଳିଛି 16 ନମ୍ବର ଜାତୀୟ ରାଜପଥର ସାହାପୁର ଛକ ନିକଟରେ ।
ମରିଗଲା ମାନବିକତା, ଦୁର୍ଘଟଣାରେ ଗୁରୁତର ଯୁବକଙ୍କ ମୃତ୍ୟୁ
ଦୁର୍ଘଟଣାର ଶିକାର ହୋଇ ଜଣେ ଯୁବକ ରାସ୍ତା ଉପରେ ଜୀବନମରଣ ସହ ସଂଘର୍ଷ କରୁଥିଲେ ମଧ୍ୟ ତାଙ୍କୁ କେହି ଡାକ୍ତରଖାନାକୁ ନେଇନଥିଲେ । ଦୁର୍ଘଟଣା ସ୍ଥଳରେ ବହୁ ଲୋକ ଘଟଣାର ଭିଡିଓ ଉତ୍ତୋଳନ କରୁଥିଲେ ମଧ୍ୟ କେହି ତାଙ୍କ ନେହୁରା ଶୁଣି ନଥିଲେ । ବହୁ ବିଳମ୍ବରେ ପୋଲିସ ତାଙ୍କୁ ଉଦ୍ଧାର କରି ଡାକ୍ତରଖାନା ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।