ଭଦ୍ରକ: ଦୁର୍ଘଟଣାର ମାତ୍ରା କମିବ । ସହର ମଧ୍ୟରେ ଭାରୀଯାନ ଚଳାଚଳ ଉପରେ ନିୟନ୍ତ୍ରଣ ରହିବ । ଏପରି କଡ଼ାନିୟମ ଆଣିଥିଲେ ଭଦ୍ରକ ଜିଲ୍ଲାପାଳ । ମାତ୍ର ନିୟମର ଖୁଲମଖୁଲ୍ଲା ଉଲ୍ଲଂଘନ କରୁଥିବା ଦେଖିବାକୁ ମିଳିଛି । ଫଳରେ ଯଥା ପୂର୍ବଂ ତଥା ପରଂ ନୀତିରେ ଦୁର୍ଘଟଣାର ଶୀକାର ହେଉଛନ୍ତି ଭଦ୍ରକବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ନିର୍ଦ୍ଦେଶ ରହିଛି ସକାଳ 8 ଟାରୁ ସନ୍ଧ୍ୟା 8 ଟା ପର୍ଯ୍ୟନ୍ତ ସହରାଞ୍ଚଳ ମଧ୍ୟରେ କୌଣସି ଭାରୀଯାନ ଯାତାୟତ କରିପାରିବ ନାହିଁ। ମୋଟର ଭେଇକିଲ ଆକ୍ଟ 1988ର ଧାରା 115 ଓ ଓଡ଼ିଶା ମୋଟର ଭେଇକିଲ ନିୟମ 1933ର 173 ଅନୁଯାୟୀ ଜିଲ୍ଲାପାଳ ଏ ନିର୍ଦ୍ଦେଶ ଦେଇଥିଲେ । କିନ୍ତୁ ଜିଲ୍ଲାପାଳଙ୍କ ନିର୍ଦ୍ଦେଶ ଏବେ ପାଣିର ଗାର ବୋଲି କହିଛନ୍ତି ସହରବାସୀ ।