ଭଦ୍ରକ: ପୁଣି ଜଣେ ନବବଧୂକୁ ହତ୍ୟା ଅଭିଯୋଗ। ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ବନ୍ତ ଥାନା ନିଳୋକ ପଞ୍ଚାୟତ ଘରପଦା ଅଞ୍ଚଳରେ।
ନବବଧୁକୁ ହତ୍ୟା ଅଭିଯୋଗ
ଖବର ଅନୁଯାୟୀ, ଗ୍ରାମର ମଧୁସୂଦନ ଦାସଙ୍କ ସ୍ତ୍ରୀ ପଦ୍ମିନୀ ପରିଡାଙ୍କ ସନ୍ଦେହଜନକ ମୃତ୍ୟୁ ହୋଇଛି। ଭଦ୍ରକ ଗ୍ରାମାଞ୍ଚଳ ଥାନା ଗଣିଜାଙ୍ଗ ପଞ୍ଚାୟତ ହାସିପୁର ଅଞ୍ଚଳର ପଦ୍ମିନୀଙ୍କ ବିବାହ ଚଳିତ ବର୍ଷ ଜୁଲାଇ 12ରେ ବନ୍ତ ଥାନା ନିଳୋକ ପଞ୍ଚାୟତ ଘରପଦା ଅଞ୍ଚଳର ମଧୁସୂଦନ ଦାସଙ୍କ ହୋଇଥିଲା।
ପରବର୍ତ୍ତୀ ସମୟରେ ତାଙ୍କୁ ଶାଶୁ ଘର ଲୋକେ ବିଭିନ୍ନ ଘଟଣାକୁ କେନ୍ଦ୍ର କରି ବାରମ୍ବାର ଶାରିରୀକ ଓ ମାନସିକ ନିର୍ଯାତନା ଦେଉଥିବା ନେଇ ଅଭିଯୋଗ ହୋଇଥିଲା । ଏନେଇ ପଦ୍ମିନୀ ବାପ ଘରକୁ ଜଣାଇବା ପରେ ସ୍ଥାନୀୟ ନିଳୋକ ସରପଞ୍ଚଙ୍କ ମାଧ୍ୟମରେ ଏହି ବିବାଦର ସମାଧାନ ପାଇଁ ଦିନ ଧାର୍ଯ୍ୟ ମଧ୍ୟ ହୋଇଥିଲା।