ଉଦ୍ଧାର କାର୍ଯ୍ୟ ବେଳେ ଏନଡିଆରଏଫ୍‌ କମାଣ୍ଡରଙ୍କ ମୁଣ୍ଡରେ ପଡିଲା ବିଦ୍ୟୁତ ଖୁଣ୍ଡ

ବିଦ୍ୟୁତ ଖୁଣ୍ଟ ପଡି ଏନଡିଆରଏଫର ଜଣେ କମାଣ୍ଡର ଗୁରୁତର ହୋଇଛନ୍ତି । ଗୁରୁତର କମାଣ୍ଡର ମୁଣ୍ଡୁଳିର ତୃତୀୟ ବାଟାଲିୟନ ଏନଡିଆରଏଫର ମନୋରଞ୍ଜନ ପ୍ରସାଦ ବୋଲି ଜଣାପଡିଛି ।

ଭଦ୍ରକ: ନାୟିକାଣିଡିହି ଅଞ୍ଚଳରେ ଉଦ୍ଧାର କାର୍ଯ୍ୟ ବେଳେ ଅଘଟଣ । ବିଦ୍ୟୁତ ଖୁଣ୍ଟ ପଡି ଏନଡିଆରଏଫର ଜଣେ କମାଣ୍ଡର ଗୁରୁତର। ଗୁରୁତର ଯବାନ ତୃତୀୟ ବାଟାଲିୟନ ମୁଣ୍ଡୁଳିର ଏନଡିଆରଏଫ କମାଣ୍ଡର ମନୋରଞ୍ଜନ ପ୍ରସାଦ ।

ଶନିବାର ରାଜ୍ୟର ଉପକୂଳ ଅଞ୍ଚଳରେ ବାତ୍ୟା ବୁଲବୁଲର ପ୍ରଭାବ ଦେଖିବୁକୁ ମିଳିଛି । ପ୍ରବଳ ବର୍ଷା ସାଙ୍ଗକୁ ପବନ ମଧ୍ୟ ବୋହିଛି । ଫଳରେ ଭଦ୍ରକର ଅନେକ ସ୍ଥାନରେ ବଡ ବଡ ଗଛ ଭାଙ୍ଗିବା ସହ କିଛି ଘର ମଧ୍ୟ ଭାଙ୍ଗିଛି । ଅନେକ ସ୍ଥାନରେ ବିଦ୍ୟୁତ ଖୁଣ୍ଟମାନ ଉପୁଡି ପଡିଥିବା ଦେଖିବାକୁ ମିଳିଛି ।

ଏଥିରେ ଫସିଥିବା ଲୋକଙ୍କୁ ଉଦ୍ଧାର ପାଇଁ ଏନଡିଆରଏଫ ଓ ଓଡ୍ରାଫ ଟିମ ନିୟୋଜନ କରାଯାଇଛି । ନାୟିକାଣିଡିହି ଅଞ୍ଚଳରେ ଏହି ଉଦ୍ଧାର କାର୍ଯ୍ୟବେଳେ ଏନଡିଆରଏଫ କମାଣ୍ଡର ମନୋରଞ୍ଜନ ପ୍ରସାଦଙ୍କ ମୁଣ୍ଡରେ ବିଦ୍ୟୁତ ଖୁଣ୍ଡ ପଡିଥିଲା । ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ପ୍ରଥମେ ଭଦ୍ରକ ମୁଖ୍ୟ ଚିକିତ୍ସାଳୟ ଓ ପରେ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି ।

ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ