ଭଦ୍ରକ: ନୂଆବର୍ଷରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇଥିଲା ହତ୍ୟାକାଣ୍ଡ ଘଟଣା। ବଣଭୋଜି ପରେ ଘର ପାଖରେ ସାଙ୍ଗକୁ ହତ୍ୟା କରିଥିବା ଘଟଣାରେ ମୁଖ୍ୟ ତିନି ଅଭିଯୁକ୍ତଙ୍କୁ ଗୁରୁବାର ଗିରଫ କରିଛି ପୋଲିସ । ଜଳଙ୍ଗା ଗ୍ରାମରେ ଏଭଳି ଘଟଣାକୁ ନେଇ ଗ୍ରାମାଞ୍ଚଳ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଅନୁଯାୟୀ ଜଲଙ୍ଗା ଗାଁର ସତ୍ୟବ୍ରତ ଶିଅଳ ଗାଁ ପିଲାଙ୍କ ସହ ରାତିରେ ବଣଭୋଜି କରୁଥିଲେ । ସେହି ଗାଁର ଜନୈକ ଯୁବକ ପ୍ରଶାନ୍ତ ବେହେରା ତାଙ୍କୁ ଭୋଜି ପାଖରୁ କୌଣସି କାମର ବାହାନା ଦେଖାଇ ଡାକି ନେଇଥିଲା ।
ବଣଭୋଜିରୁ ଡାକି ନେଇ ହତ୍ୟା ମାମଲା: 3 ଅଭିଯୁକ୍ତ ଗିରଫ
ପରେ ନିକଟସ୍ଥ ଏକ ପଡିଆରୁ ତାଙ୍କର ମୃତଦେହ ମିଳିଥିଲା । ମୃତଦେହର ବେକରେ ଚିହ୍ନ ଦେଖାଯାଇଥିଲା । ତଦନ୍ତରୁ ଜଣା ପଡିଥିଲା କି ପ୍ରଶାନ୍ତ ବେହେରା ସତ୍ୟବ୍ରତଙ୍କୁ ଡାକି ନେଇଥିବା ବେଳେ ସେହି ଗାଁର ଅନ୍ୟ ଦୁଇ ଜଣ ଯୁବକଙ୍କର ହତ୍ୟାରେ ସମ୍ପୃକ୍ତି ଥିବା ନେଇ ଥାନାରେ ଅଭିଯୋଗ କରିଥିଲେ ମୃତକଙ୍କ ଦାଦା ଅମୂଲ୍ୟ ଶିଅଳ । ଅଭିଯୋଗକୁ ଭିତ୍ତି କରି ପୋଲିସ 1/20ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।