ଭଦ୍ରକ: ମେଳା କେବଳ ଆନନ୍ଦ ବିଳାସ ପାଇଁ ନୁହେଁ । ଏହା ଯୋଡେ ସମ୍ପର୍କ । ଦେଖାଏ ନୂଆ ଆଶା । ଏହି ଐତିହାସିକ ତଥା ନିଆରା ମେଳା ହେଉଛି 75 ବର୍ଷ ଧରି ପାଳିତ ହେଉଥିବା ଭଦ୍ରକ ଭଣ୍ଡାରିପୋଖରୀର ମୁନ୍ସି ମେଳଣ । ପୁରପଲ୍ଲୀରେ ପାଳନ ହେଉଥିବା ପାରମ୍ପରିକ ମେଳଣ ଠାରୁ ଏହା ଅଲଗା । ଏହି ମେଳା ପୋଲିସ-ଜନତାଙ୍କ ମଧ୍ୟରେ ନୂଆ ସମ୍ପର୍କ ଯୋଡିଥାଏ । 1942 ଥାନା ପୋଡି ପରେ ତିକ୍ତ ହୋଇଥିଲା ପୋଲିସ ଓ ଜନତା ସମ୍ପର୍କ । ଆଉ ଏଥିରେ ସୁଧାର ପାଇଁ ମୁନ୍ସି ମେଳଣ ଆରମ୍ଭ ହୋଇଥିଲା । ସମ୍ପର୍କର ନୂଆ ଡୋରି ବାନ୍ଧିଥିଲେ ସେତେବେଳର ଥାନା ବଡ ବାବୁ ଲାଲ ମୁନ୍ସି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ପ୍ରତିବର୍ଷ ପରି ଏବର୍ଷ ମଧ୍ୟ 35ଟି ଠାକୁର ବାଡି ମେଳଣକୁ ଆସିଥିଲେ । ଠାକୁରଙ୍କ ପୂଜା ସହ ପୋଲିସ-ଜନତା ଖେଳିଥିଲେ ରଙ୍ଗ ଖେଳ । ହଜାର ହଜାର ଦର୍ଶକଙ୍କୁ ପୋଲିସ ସୁରକ୍ଷା ଯୋଗାଇଥିଲା । ହସଖୁସିରେ ଯୋଡି ହୋଇଥିଲା ଏକ ନୂଆ ସମ୍ପର୍କ ।