ଭଦ୍ରକ: ଜଣେ ଯୁବକଙ୍କ ପାଖରେ ନବଜାତକକୁ ଛାଡି ମହିଳା ଫେରାର । ମନ୍ଦିର ନିକଟରେ ବସିଥିବା ଜଣେ ଯୁବକଙ୍କୁ ଜଣେ ଜନୈକ ମହିଳା ମୋ ପିଲାକୁ ଜଗିଥାଅ, ମୁଁ ଟିକିଏ ପରେ ଆସୁଛି କହି ଆଉ ଫେରିନଥିଲେ । ଦୀର୍ଘ ତିନି ଘଣ୍ଟା ପରେ ମାଆ ନଫେରିବାରୁ ଶେଷରେ ପୋଲିସକୁ ଖବର ଦେଇଛନ୍ତି ଯୁବକ। ଭଦ୍ରକ ନାରାୟଣ ମନ୍ଦିର ନିକଟରେ ଘଟିଛି ଏଭଳି ହୃଦୟବିଦାରକ ଘଟଣା ।
ନବଜାତକକୁ ଛାଡି ମହିଳା ଫେରାର
ପୋଲିସ ଓ ଚାଇଲ୍ଡ ଲାଇନ ନବଜାତକକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି। ଖବର ଅନୁଯାୟୀ ଭଦ୍ରକ ଜିଲ୍ଲା ଚରମ୍ପା ନିକଟ ଲକ୍ଷ୍ମୀ ନାରାୟଣ ମନ୍ଦିର ନିକଟରେ ଜନୈକା ମହିଳା ମନ୍ଦିର ନିକଟରେ ବସିଥିବା ଜଣେ ଯୁବକଙ୍କୁ କାମ ସାରି ଆସିବା ପର୍ଯ୍ୟନ୍ତ ନବଜାତକକୁ ଧରିବା ପାଇଁ କହିଥିଲେ। କିନ୍ତୁ ପରମୂହର୍ତ୍ତରେ ସେ ଆଉ ଫେରି ନଥିଲେ।