ଭଦ୍ରକ : ବର୍ଷା ଦିନ ଆସିଲେ ଭଦ୍ରକ ଜିଲ୍ଲାରେ ବାତ୍ୟା ଓ ବନ୍ୟା ଭୟ ଦେଖାଯାଇଥାଏ । ତେଣୁ ଲୋକମାନଙ୍କୁ ଏହି ପ୍ରାକୃତିକ ବିପର୍ଯ୍ୟୟ ସମୟରେ କିପରି ଉଦ୍ଧାର କରାଯାଇ ପାରିବ ସେଥିପାଇଁ ଚଳିତ ବର୍ଷ ବିଭିନ୍ନ ବାତ୍ୟା ଓ ବନ୍ୟା ଆଶ୍ରୟସ୍ଥଳରେ ଜିଲ୍ଲା ପ୍ରଶାସନ ପକ୍ଷରୁ NDRF ଓ ODRAF ସହଯୋଗରେ ମକଡ୍ରିଲ କରାଯାଇଛି । ଏଥିପାଇଁ ଭଦ୍ରକ ଜିଲ୍ଲାର ବନ୍ତ ବ୍ଲକ ଅଧିନସ୍ଥ ଚାରିଗାଁ ଠାରେ ଥିବା ବାତ୍ୟା ଆଶ୍ରୟସ୍ଥଳ ଓ ପାଖରେ ଥିବା ସାଳନ୍ଦୀ ନଦୀରେ ମକଡ୍ରିଲ କରାଯାଇଛି ।
ପ୍ରାକୃତିକ ବିପର୍ଯ୍ୟୟ ରୋକିବାକୁ ମକଡ୍ରିଲ
NDRFର ଏକ ୨୩ଜଣିଆ ସ୍ୱତନ୍ତ୍ର ଟିମ ସବୁ ଆବଶକୀୟ ସରଞ୍ଜାମ ନେଇ ସେଠାରେ ପହଞ୍ଚିଥିଲେ । ପରେ ବିଭିନ୍ନ ଗ୍ରାମକୁ ଯାଇ ବନ୍ୟା ଓ ବାତ୍ୟା ସମୟରେ କିପରି ସଚେତନ ରହିବେ ଓ ବାତ୍ୟା ଆଶ୍ରୟସ୍ଥଳକୁ ଆସି ପାରିବେ ସେଥିପାଇଁ ଲୋକମାନଙ୍କୁ ସଚେତନ କରିଥିଲେ। ଏପରିକି ବୃଦ୍ଧ, ବୃଦ୍ଧା ଓ ଗର୍ଭବତୀ ମାନଙ୍କୁ କିପରି ବାତ୍ୟା ଆଶ୍ରୟସ୍ଥଳକୁ ଷ୍ଟ୍ରେଚରରେ ନିରାପଦ ଭାବେ ଅଣାଯାଇପାରିବ ତାର ଡେମୋ ଦେଖାଇଥିଲେ।