ଭଦ୍ରକର ନିଖୋଜ ଶ୍ରମିକ ମୁମ୍ବାଇରୁ ଉଦ୍ଧାର

ଭଦ୍ରକର ନିଖୋଜ ଥିବା ଶ୍ରମିକ ୪ ଦିନ ପରେ ମୁମ୍ବାଇରୁ ଉଦ୍ଧାର । ମୁମ୍ବାଇରୁ କୋଣାର୍କ ଏକ୍ସପ୍ରେସରେ ଓଡ଼ିଶା ଆସିଥିଲେ ଶ୍ରମିକ ଅଜୟ ନାୟକ । ପ୍ଲାଟଫର୍ମରେ ଓହ୍ଲାଇବା ପରଠୁ ଥିଲେ ନିଖୋଜ । ଅଧିକ ପଢ଼ନ୍ତୁ

ଭଦ୍ରକ: ଗତ ଜୁନ ୨୧ରୁ ଭୁବନେଶ୍ଵରରୁ ନିଖୋଜ ଥିବା ଶ୍ରମିକ ୪ ଦିନ ପରେ ମୁମ୍ବାଇରୁ ଉଦ୍ଧାର । ପ୍ଲାଟଫର୍ମରେ ଓହ୍ଲାଇବା ପରଠୁ ଥିଲେ ନିଖୋଜ । କୌଣସି ନିଶାଦ୍ରବ୍ୟ ଦେଇ ଲୁଟେରା ମାନଙ୍କ ଦ୍ବାରା ଲୁଟର ଶିକାର ହୋଇଥିବା ଜଣାପଡ଼ିଛି । ସୂଚନା ଅନୁସାରେ ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ତେନ୍ତୁଳିଆଡ଼ିଆ ଗ୍ରାମର ଶ୍ରମିକ ଅଜୟ ନାୟକ ମୁମ୍ବାଇରୁ କୋଣାର୍କ ଏକ୍ସପ୍ରେସରେ ନିଜ ଘରକୁ ଫେରୁଥିଲେ । ଭୁବେନେଶ୍ଵର ପହଞ୍ଚିବା ପରେ ତାଙ୍କର ପରିବାର ସହ କୌଣସି ଯୋଗଯୋଗ ରହିନଥିଲା ।

ବହୁ ଖୋଜାଖୋଜି ପରେ ପରିବାର ଲୋକେ ଜୁନ୍‌ ୨୨ରେ ଭୁବେନେଶ୍ବର ରେଳବାଇ ଥାନାରେ ଅଭିଯୋଗ କରିଥିଲେ । ସିସିଟିଭି ଫୁଟେଜ ଯାଞ୍ଚରୁ ଜଣାପଡିଥିଲା ଯେ ଶ୍ରମିକ ଜଣକ ପ୍ଲାଟ ଫର୍ମରେ ଓହ୍ଲାଇଛନ୍ତି । କିନ୍ତୁ ତା ପରେ ତାଙ୍କର କୌଣସି ପତ୍ତା ମିଳିନଥିଲା । ତେବେ ୪ ଦିନ ପରେ ଶ୍ରମିକ ଅଜୟଙ୍କୁ ସେହି ମୁମ୍ବାଇରେ କୋଣାର୍କ ଏସ୍କପ୍ରେସରୁ ସଜ୍ଞାହୀନ ଅବସ୍ଥାରେ ଉଦ୍ଧାର କରାଯାଇଛି ।

ଇଟିଭି ଭାରତ, ଭଦ୍ରକ