ଭଦ୍ରକ: ନିଖୋଜ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର କଲା ଧାମରା ସାମୁଦ୍ରିକ ଥାନା ପୋଲିସ । ମୃତ ମତ୍ସ୍ୟଜୀବୀ ହେଲେ ମୟୂରଭଞ୍ଜ କପ୍ତିପଦା ଥାନା ଯୋଧପୁର ଅଞ୍ଚଳର ଲାଲମୋହନ ଟୁଡୁ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନାନୁସାରେ, ଶନିବାର ଲାଲମୋହନ ବାଲେଶ୍ବର ଜିଲ୍ଲା କଶାଫଳ ଅଞ୍ଚଳର ଦେବଦତ୍ତ ତିଆଡିଙ୍କ ବୋଟରେ ମାଛ ଧରିବାକୁ କଶାଫଳ ମୁହାଣରୁ ବାହାରିଥିଲେ । ହେଲେ ସାମୁଦ୍ରିକ ବାତ୍ୟା ବୁଲବୁଲ ପ୍ରଭାବରେ ବୋଟଟି ଧାମରା ଅଞ୍ଚଳକୁ ପଶିଆସିଥିଲା । ପରେ ଲାଲମୋହନ ବୋଟକୁ ଲଙ୍ଗର କରୁଥିବା ସମୟରେ ପବନର ପ୍ରଭାବରେ ସେ ବୋଟରୁ ତଳକୁ ଖସି ପଡିଥିଲେ । ଅନେକ ଖୋଜାଖୋଜି ପରେ ମଧ୍ୟ ତାଙ୍କର ପତ୍ତା ମିଳିନଥିଲା ।