ଭଦ୍ରକ: ଜିଲ୍ଲା ତିହିଡ଼ି ବଜାର ସ୍ଥିତ ଐତିହାସିକ ଖାଙ୍କିହାଟ ମାର୍କେଟ କମ୍ପ୍ଲେକ୍ସରେ ଅବ୍ୟବସ୍ଥାକୁ ନେଇ ତିହିଡ଼ି ବଜାର ବଣିକ ସଙ୍ଘ ପକ୍ଷରୁ ତୀବ୍ର ଅସନ୍ତୋଷ ପ୍ରକାଶ ପାଇଛି । ଦୋକାନ ଗୃହ ଆଗରେ କୁଢ଼ କୁଢ଼ ଅଳିଆ ଆବର୍ଜନା ଦୀର୍ଘଦିନ ଧରି ପଡ଼ିରହି ଦୁର୍ଗନ୍ଧ କରୁଛି, ଯାହା ପରିବେଷକୁ ଦୂଷିତ କରୁଛି ।
ଅବ୍ୟବସ୍ଥା ଘେରରେ ଐତିହାସିକ ଖାଙ୍କିହାଟ ମାର୍କେଟ କମ୍ପ୍ଲେକ୍ସ
ଭଦ୍ରକ ନିୟନ୍ତ୍ରିତ ବଜାର କମିଟି ପକ୍ଷରୁ ନିର୍ମାଣ କରା ଯାଇଥିବା ଦୁଇ ମହଲା ବିଶିଷ୍ଟ ଏହି କମ୍ପ୍ଲେକ୍ସକୁ ଯିବାକୁ ସାମ୍ନା ପାଶ୍ୱର୍ରେ ସିଡ଼ିଟିଏ ନିର୍ମାଣ କରାଯାଇ ପାରିନାହିଁ । ଏଥିସହ ଜବର ଦଖଲ ଉଚ୍ଛେଦ କରାଯାଇନଥିବାରୁ ବହୁବିଧ ସମସ୍ୟା ସୃଷ୍ଟି ହେଉଛି । ଯାହା ଫଳରେ ବ୍ୟବସାୟୀମାନେ ସେମାନଙ୍କ ଦୋକାନ ଖୋଲି ପାରୁନଥିବା ଅଭିଯୋଗ କରିଛନ୍ତି ।