Dhamnagar By Poll: ବିଜେଡିରେ ସାମିଲ ହେଲେ ବହୁ ବିଜେପି କଂଗ୍ରେସ କର୍ମୀ

ଧାମନଗର ଉପନିର୍ବାଚନ ପୂର୍ବରୁ ବିରୋଧୀ କଂଗ୍ରେସ ଏବଂ ବିଜେପି କୁ ରାଜନୈତିକ ଝଟକା ଲାଗିଛି । ନିର୍ବାଚନ ମଣ୍ଡଳୀର କୋଠାର, ଦଳାଙ୍କ ଏବଂ ପ୍ରଧାନୀ ପଞ୍ଚାୟତର ବହୁ ବିଜେପି ଏବଂ କଂଗ୍ରେସ ସମର୍ଥକ ନିଜ ଦଳ ଛାଡି ଶାସକ ବିଜେଡିରେ ସାମିଲ ହୋଇଛନ୍ତି । ଅଧିକ ପଢନ୍ତୁ

ଭଦ୍ରକ: ଧାମନଗର ଉପନିର୍ବାଚନ ପୂର୍ବରୁ ବିରୋଧୀ କଂଗ୍ରେସ ଏବଂ ବିଜେପି କୁ ରାଜନୈତିକ ଝଟକା ଲାଗିଛି । ନିର୍ବାଚନ ମଣ୍ଡଳୀର କୋଠାର, ଦଳାଙ୍କ ଏବଂ ପ୍ରଧାନୀ ପଞ୍ଚାୟତର ବହୁ ବିଜେପି ଏବଂ କଂଗ୍ରେସ ସମର୍ଥକ ନିଜ ଦଳ ଛାଡି ଶାସକ ବିଜେଡିରେ ସାମିଲ ହୋଇଛନ୍ତି ।

ଭଦ୍ରକ ବିଧାୟକ ସଞ୍ଜୀବ ମଲ୍ଲିକଙ୍କ ଭଦ୍ରକ ସ୍ଥିତ ବାସଭବନରେ ଅନୁଷ୍ଠିତ ଏକ ମିଶ୍ରଣ କାର୍ଯ୍ୟକ୍ରମରେ ପ୍ରତିପକ୍ଷ ଦଳର ଏହି ପଞ୍ଚାୟତ ସ୍ତରୀୟ ନେତା ଏବଂ ସମର୍ଥକ ମାନେ ନିଜ ଦଳ ଛାଡି ବିଜେଡିରେ ଯୋଗଦେଇଥିବା ଘୋଷଣା କରିଛନ୍ତି । ଧାମନଗର ବ୍ଲକ ଦଳାଙ୍ଗ ପଞ୍ଚାୟତର ପୂର୍ବତନ ବିଜେପି ସରପଞ୍ଚ ନିମାଇଁ ନାୟକଙ୍କ ନେତୃତ୍ବରେ ଶତାଧିକ ବିଜେପି ଏବଂ କଂଗ୍ରେସ ସମର୍ଥକ ବିଜେଡିରେ ସାମିଲ ହୋଇଛନ୍ତି ।

ସେହିଭଳି କୋଠାର ଅଞ୍ଚଳରୁ ବହୁ କଂଗ୍ରେସ ସମର୍ଥକ ବିଜେଡିରେ ସାମିଲ ହୋଇଥିବା ଘୋଷଣା କରିଛନ୍ତି । ଦଳରେ ମିଶିଥିବା ଏହି ସମର୍ଥକ ମାନଙ୍କୁ ବିଜେଡି ଉତ୍ତରୀୟ ପିନ୍ଧାଇ ସ୍ବାଗତ କରିଛି । ଦଳ ପର୍ଯ୍ୟବେକ୍ଷକ ତଥା ଧର୍ମଶାଳା ବିଧାୟକ ପ୍ରଣବ ବଳବନ୍ତ କଂଗ୍ରେସ ସମର୍ଥକମାନଙ୍କୁ ଉରାୟ ଉତ୍ତରୀୟ ପିନ୍ଧାଇ ଦଳରେ ସାମିଲ କରିଛନ୍ତି । ଏହି ମିଶ୍ରଣ କାର୍ଯ୍ୟକ୍ରମରେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ, ଜିଲ୍ଲା ସଭାପତି ଜଗନ୍ନାଥ ସ୍ବାଇଁ ପ୍ରମୁଖ ବହୁ ଦଳୀୟ ନେତା ଯୋଗ ଦେଇଥିଲେ । ନିର୍ବାଚନ ପୂର୍ବରୁ ଧାମନଗର ବିଜେଡିରେ ଏହି ମିଶ୍ରଣ ଦଳର ଶକ୍ତିବୃଦ୍ଧି କରିବ ବୋଲି ବିଜେଡି ନେତା ଆଶା ରଖିଛନ୍ତି ।

ଇଟିଭି ଭାରତ, ଭଦ୍ରକ