ଦୁର୍ଘଟଣାରେ ଚାଲିଗଲା ଯୁବକଙ୍କ ପ୍ରାଣ

ଭଦ୍ରକ ଜିଲ୍ଲା ତିହିଡି ବ୍ଲକ ସିନ୍ଦୋଳ ପଞ୍ଚାୟତ ଅଧିନ ସାଟିଉଟି ସାମିଲ ନୂଆସାହି ଗାଁର ଜଣେ ଯୁବକଙ୍କର ଶୁକ୍ରବାର ଦୁର୍ଘଟଣାରେ ମୃତ୍ୟୁ ଘଟିଛି । ଭଦ୍ରକ-ଚାନ୍ଦବାଲି ରାଜପଥରେ କୌଣସି ବେପାରୀ ଦୀର୍ଘଦିନ ବାଲି ମହଜୁଦ କରିଥିବା ଯୋଗୁଁ ଏହି ଦୁର୍ଘଟଣା ଘଟିଥିବା ଅଭିଯୋଗ ହୋଇଛି।

ଭଦ୍ରକ: ଦୁର୍ଘଟଣାରେ ଯୁବକଙ୍କ ମୃତ୍ୟୁ । ଭଦ୍ରକ ଜିଲ୍ଲା ତିହିଡି ବ୍ଲକ ସିନ୍ଦୋଳ ପଞ୍ଚାୟତ ଅଧିନ ସାଟିଉଟି ସାମିଲ ନୂଆସାହି ଗାଁର ଜଣେ ଯୁବକଙ୍କର ଶୁକ୍ରବାର ଦୁର୍ଘଟଣାରେ ମୃତ୍ୟୁ ଘଟିଛି । ଭଦ୍ରକ-ଚାନ୍ଦବାଲି ରାଜପଥରେ କୌଣସି ବେପାରୀ ଦୀର୍ଘଦିନ ବାଲି ମହଜୁଦ କରିଥିବା ଯୋଗୁଁ ଏହି ଦୁର୍ଘଟଣା ଘଟିଥିବା ଅଭିଯୋଗ ହୋଇଛି।

ସୂଚନା ଅନୁଯାୟୀ ଯୁବକ ଜଣକ ତିହିଡିରୁ ଘରକୁ ଫେରୁଥିବା ସମୟରେ ବାଲି ଗଦା ଅତିକ୍ରମ କରୁଥିବା ବେଳେ ଭାରସାମ୍ୟ ହରାଇ ପଡିଯାଇଥିଲେ । ଖବର ପାଇ ପରିବାର ଲୋକେଚେତାଶୂନ୍ୟ ଅବସ୍ତାରେ ତାଙ୍କୁ ପ୍ରଥମେ ତିହିଡି ପରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।

ସେଠାରେ ତାଙ୍କ ଅବସ୍ଥା ଅଧିକ ଗୁରୁତର ହେବାର ତାଙ୍କୁ କଟକ ବଡ ମେଡିକାଲରେ ସ୍ଥାନାନ୍ତରିତ କରାଯାଇଥିଲା। ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ରାଜପଥ ରାସ୍ତାରେ ବାଲି ଗଦା ରହିଥିବାରୁ ଏହି ଦୁର୍ଘଟଣା ଘଟିଥିବା ପରିବାର ପକ୍ଷରୁ ଅଭିଯୋଗ ହୋଇଛି । ମୃତକ ଯୁବକଙ୍କ ନାମ ପ୍ରମୋଦ ମଳିକ ବୋଲି ଜଣାପଡିଛି।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ