ଭଦ୍ରକ: ଜିଲ୍ଲାର ଧାମନଗର କାଞ୍ଜିଆପାଳ ପୂର୍ଣ୍ଣଚନ୍ଦ୍ର ପୃଷ୍ଟି ହତ୍ୟାକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ଗିରଫ । ଯାଜପୁର ଜିଲ୍ଲା ରାମବାଗ ଅଞ୍ଚଳରୁ ହତ୍ୟାକାରୀ ଅଶୋକ ରାଉତକୁ ଗିରଫ କରିଛି ଧାମନଗର ପୋଲିସ ।
ଖବର ଅନୁଯାୟୀ ଚଳିତ ମାସ ୪ ତାରିଖ ରାତିରେ, ପୂର୍ଣ୍ଣଚନ୍ଦ୍ର ନିଜ କ୍ଷେତକୁ ଫସଲ ଜଗିବା ପାଇଁ ଯାଇଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିଲା ।
କାଞ୍ଜିଆପାଳ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ ସକାଳୁ ମୃତଦେହ ନିକଟ ପୋଖରୀରେ ଭାସୁଥିବା ସହ କ୍ଷେତ ନିକଟରେ ରକ୍ତଛିଟା ପଡିବା ଓ ମୃତଦେହର ପାରିପାର୍ଶ୍ଵିକ ଅବସ୍ଥାରୁ କେହି ଦୁର୍ବୃତ୍ତ ତାଙ୍କୁ ହତ୍ୟାକରି ପୋଖରୀକୁ ଫିଙ୍ଗି ଦେଇଥିବା ସନ୍ଦେହ କରାଯାଉଥିଲା ।
ପୋଲିସ ପକ୍ଷରୁ କରାଯାଇଥିବା ତଦନ୍ତ ସମୟରେ ସନ୍ଧାନୀ କୁକୁର ଅଭିଯୁକ୍ତର ଘରେ ପଶିଥିଲା । ହେଲେ ସେତେବେଳକୁ ଅଭିଯୁକ୍ତ ଫେରାର ହୋଇଯାଇଥିଲା । ଶେଷରେ ଯାଜପୁର ଜିଲ୍ଲା ରାମବାଗ ଅଞ୍ଚଳରୁ ଅଭିଯୁକ୍ତକୁ ଗିରଫ କରିଛି ଧାମନଗର ପୋଲିସ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
