ଭଦ୍ରକ:ଜିଲ୍ଲାର ଚାନ୍ଦବାଲି ରାଜ୍ୟ ରାଜପଥ ପାର୍ଶ୍ବରେ ଗ୍ୟାସ ପାଇପ ଲାଇନ ବିଛା କାର୍ଯ୍ୟକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଫୁଟ୍ ପାଥ ଉପରେ ଏହି ପାଇପ ବିଛା ଯାଉଛି ଏବଂ ରାସ୍ତାକୁ ଲଗେଇ ମେସିନ ଦ୍ବାରା ଗଭୀର ନାଳ ଖୋଳାଯାଉଛି । ଯାହା ଦ୍ବାରା ରାସ୍ତାର ସ୍ଥାୟିତ୍ବ ଉପରେ କୁପ୍ରଭାବ ପକାଇବ ବୋଲି ଅଭିଯୋଗ ହୋଇଛି ।
ରାଜପଥ ପାର୍ଶ୍ବରେ ଗ୍ୟାସ ପାଇପ ଲାଇନ କାର୍ଯ୍ୟ, ତେଜୁଛି ଅସନ୍ତୋଷ
ପାଇପ ବିଛାଇବା ପାଇଁ ମାଟି ଖୋଳିବା ପରେ ଉକ୍ତ ମାଟିକୁ ମୁଖ୍ୟରାସ୍ତା ଉପରେ ପକାଯାଉଛି । ଫଳରେ ସାଧାରଣ ଲୋକଙ୍କ ଯାତାୟତରେ ବହୁତ ସମସ୍ୟା ଉପୁଜୁଥିବା ଅଭିଯୋଗ କରି ଠିକାଦାରଙ୍କ କାର୍ଯ୍ୟକୁ ବନ୍ଦ କରାଯାଇଛି । ସ୍ଥାନୀୟ ଲୋକେ କାମ ବନ୍ଦ କରିବା ସହ ପୂର୍ତ୍ତ ବିଭାଗୀୟ SDOଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏହି ପାଇପ ବିଛା କାର୍ଯ୍ୟ ସମୟରେ ରାସ୍ତାରେ ଚଳାଚଳ କରିଥିବା ଯାନବାହନ ଓ ସାଧାରଣ ଲୋକଙ୍କ ସୁରକ୍ଷା ପ୍ରତି ଠିକାଦାର ଦୃଷ୍ଟି ଦେଉନଥିବା ଅଭିଯୋଗ ହୋଇଛି। ଏଥିସହ ସଡ଼କ ସୁରକ୍ଷା ପ୍ରତି ଧ୍ୟାନ ଦିଆଯାଉନଥିବାରୁ ତୀବ୍ର ଅସନ୍ତୋଷ ପ୍ରକାଶ ପାଇଛି।