ବିଦ୍ୟୁତ ଆଘାତରେ ଶ୍ରମିକ ମୃତ

ଭଦ୍ରକ ଜିଲ୍ଲା ସାବରଙ୍ଗ ଥାନା ଅଧିନ ଲାଲାଜି ଗ୍ରାମଅଞ୍ଚଳରେ ଏକ ଅଘଟଣ ଘଟିିଛି । ବିଦ୍ୟୁତ ଆଘାତରେ ଶ୍ରମିକଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ

ଭଦ୍ରକ:ବଦ୍ୟୁତ ନେଲା ଜୀବନ । କାମ କରୁଥିବା ସମୟରେ ବିତ୍ୟୁତ ଆଘାତରେ ଶ୍ରମିକଙ୍କ ମୃତ୍ୟୁ ହୋଇଛି । ଘର ଛାତ ଉପରେ କାମ କରୁଥିବା ବେଳେ ଜଣେ ଶ୍ରମିକଙ୍କୁ କରେଣ୍ଟ ଲାଗିଥିଲା । ତୁରନ୍ତ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଭଦ୍ରକ ଜିଲ୍ଲା ସାବରଙ୍ଗ ଥାନା ଅଧିନ ଲାଲାଜି ଗ୍ରାମଅଞ୍ଚଳରେ ଏହି ଅଘଟଣ ଘଟିଛି ।

ସୂଚନାଅନୁଯାୟୀ ସାବରଙ୍ଗ ଥାନା ଅଞ୍ଚଳର ଭରତ ବେହେରା ନିକଟସ୍ଥ ଅଣ୍ଡରେଇ ସ୍ଥିତ ଲାଲାଜି ଗାଁକୁ କାମ କରିବା ପାଇଁ ଯାଇଥିଲେ । ଜଣଙ୍କ ଘର ଛାତରେ ରାଜମିସ୍ତ୍ରୀ ସହ ହେଲପର ଭାବେ କାମ କରୁଥିଲେ ଭାରତ । କାମ କରୁଥିବା ବେଳେ କୌଣସି କାରଣରୁ ଅସାବଧାନତାବଶତଃ ଛାତରେ ଥିବା ଏକ ବିଦ୍ୟୁତ ତାର ସଂସ୍ପର୍ଶରେ ଭରତ ଆସିଯାଇଥିଲେ। ଫଳରେ ତାରରୁ କରେଣ୍ଟ ଲାଗି ସେ ଗୁରୁତର ଭାବେ ଆହତ ହୋଇ ତଳେ ପଡି ଯାଇଥିଲେ ।

ପରେ ଏନେଇ ପରିବାର ଲୋକେ ଖବର ପାଇ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଭରତଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ବିଧିର ବିଧାନ କିଛି ଅଲଗା ଥିଲା । ସବୁ କିଛି ଶେଷ ହୋଇଯାଇଥିଲା । ଡାକ୍ତର ଭରତଙ୍କୁ ମୃତ ଘୋଷଣା କରିଥିଲେ । ଆଜି ମୃତଦେବ ବ୍ୟବଚ୍ଛେଦ ହେବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।

ମଜୁରୀ ଲାଗି ପରିବାର ଚଳାଇଥିବା ମଣିଷଟା ସବୁ ଦିନ ପାଇଁ ଶୋଇ ଯାଇଛନ୍ତି । ବାପାଙ୍କୁ ହରାଇ ପିଲା ବେସାହାର ହୋଇଛନ୍ତି । ସ୍ବାମୀଙ୍କୁ ହରାଇ ଆବାକ ହୋଇଛନ୍ତି ସ୍ତ୍ରୀ । ଭାଇକୁ ହରାଇ କୋହ ରୋକି ପାରୁନାହିଁ ଭାଇ । ବିତ୍ୟୁତ ଆଘାତରେ ଶ୍ରମିକଙ୍କ ମୃତ୍ୟୁ ହେବା ପୂର୍ବରୁ ଅନେକ ଘଟଣା ରହିଛି । ଏ ଦିଗରେ ସଚେତନ ରହିଲେ ଅଘଟଣ ଟଳିଯିବ ।

ଇଟିଭି ଭାରତ,ଭଦ୍ରକ